食玩飛常遊

播出日期:3/2/2020

台北捷運系統嘅黃線「環狀線」喺 2020 年 1 月開始試營運,究竟搭新線有乜嘢要注意呢? 今日就同大家講吓!
好多朋友去自由行,都係跟住當地嘅捷運地周圍去,台北有新捷運線就梗係要試搭吓!雖然未發掘呢條環狀線附近嘅景點,不過今日就先同大家喺兩個同板南線交界嘅轉車站,睇睇轉車嘅情況。
兩個轉車站分別喺 板橋 同 新埔,環狀線 上面, 新埔站 就叫做 新埔民生站。我就由藍線嘅 龍山寺 出發,經 新埔站 轉去 頭前庄站 嘅宜家傢俬行街。好喇,先睇 新埔站 轉車嘅情況
睇到兩個站唔同名,其實都到要行一段路㗎喇。喺藍線落車出閘,之後原來要行一段露天嘅行人路,大約 3 至 5 分鐘,先去到環狀線新埔民生站入閘。如果落雨,喺呢個站轉車就會比較狼狽喇!
上車喇,由於環狀線採用中型鐵路嘅設計,車廂冇一般捷運藍線同紅線嘅車箱咁大,但整體都舒服同埋潔。話咁快就落車喇!
回程嘅時候我揀咗喺板橋轉車。呢個站轉車唔需要喺露天日曬雨淋,不過一樣要出閘再入閘,兩個月台大概都5分鐘嘅路程,所以如果你計劃行程要喺呢個站轉車,就要留意喇!
如果你係購買單程票搭運就要留意喇,係呢兩個站轉車由於要出再入閘,記得要搵呢啲黃色嘅閘機先好出,如果唔係就會收咗你張單程飛,要分開段收費㗎喇!

追蹤我們
公司殊榮
Copyright Claims
Copyright Claims