播出日期:23/4/2018
最新嘅科技資料、潮流玩意，都有《Z世代達人》麥卓華到處搜羅送到你面前！
之前我地節目介紹過一部當時未推出市面，內置CloudSIM既手機「GlocalMe Phone」，唔知你仲記唔記得呢？如果大家有留意，原來呢部手機已經在18年4月中，在香港寬頻推出左喇！而且收費仲要相當有吸引力。今日我Z世代達人就同大家介紹下啦！
呢部電話現階段系香港寬頻獨家推出，你可以在官網hkbn.net訂購，通常一日內，已經會有SMS通知你去順豐便利站拎貨。如果你唔連本地既上台計劃使用，基本上呢部機系唔駛入卡，亦唔需要登錄，一開機就用得。
呢部機同之前既試用機最大既分別，系就多背後左香港寬頻同埋TVB既標誌，鐘唔鍾意就見人見智喇。打開機，做左簡單既設定之後，就可以進入主畫面。入到主畫面，右下角見到既，就係呢部電話既主角 - Glocalme Connect。唔好諗住呢個「環球數據」那5GB可以在香港使用，原來睇清楚，覆蓋範圍係唔包括香港架！ 所以你一係就乖乖咁用埋佢既服務計劃，如果唔係，你就要插番自己張SIM卡喇。
提到服務計劃，如果只需要呢部機，每個月都只係俾$198，就有5GB既「環球數據」，如果你係香港寬頻既現有用戶，仲可以每月減多$58，即係$140就用到呢5GB既服務。呢個服務計劃，仲已經包埋部機，你只要放低$1200 預繳就OK晒！不過留意， 「環球數據」用量係月月清，唔可以累積，呢個計劃最岩既就係個個月都出trip，又或者成日去旅行既朋友仔喇！相比之前介紹既數據要按地方同用量續GB計，買2、3GB可能已經要成200元，呢個計劃絕對係用得過！
月睇完部機同埋服務計劃，咁究竟去到覆蓋地區又要點先上到網呢？佢內置既mytvsuper同 tvbanywhere，去到覆蓋地區又用唔用到？ 我地下集再講！
《Z世代達人》
主持：麥卓華
