Z世代達人

播出日期:18/7/2018

最新嘅科技資料、潮流玩意,都有《Z世代達人》麥卓華到處搜羅送到你面前!
 
唔知你有無試過唔知D野放了在那裡,翻轉咗屋企都搵唔番出來呢?其實如果呢D零碎物品會出聲又上到網,你話幾好呢!
 
今日要介紹嘅,就係呢款TrackR 籃芽追蹤器喇。TrackR 只係大過一個五蚊銀少少,但就已經內置咗發聲嘅模組同埋支援籃芽連線,呢個設計,絕對方便你將佢掛在你嘅鎖匙、手袋、又或者放入銀包入面。 要用呢個裝置,首先要喺部手機下載相關嘅手機應用程式,之後進行簡單嘅登記,完成登記之後就可以加入新裝置,首先打番個名識別係邊個裝置、之後就進行首次配對,只要撳住裝置上面嘅按鈕,唔使1秒配對就完成啦。
 
就等我試吓係唔係真係有用先。我將抽鎖匙放咗喺門口嘅櫃面,如果之後真係搵唔到,只要打開手機應用程式,揀選「Start Searching」,裝置之後就會響起,咁我就搵得返抽鎖匙啦。
 
雖然呢個裝置無內置嘅全球定位系統,不過佢可以透過全球有裝呢個應用程式嘅用戶去定位番呢個裝置,再通知番你。
 
TrackR仲有另一個功能,就係可以設定手機同最終器分離提示。舉個例,我成日都唔記得帶鎖匙出街,咁只要我設定左呢個分離提示,當我離開屋企或者公司但唔記得拎鎖匙嘅時候,手機就會響起提翻我,呢個裝置已經離開咗手機嘅附近,咁即係我唔記得帶鎖匙,要快啲返轉頭拎啦!
 
《Z世代達人》
主持:麥卓華

追蹤我們
公司殊榮
Copyright Claims
Copyright Claims