Z世代達人

播出日期:7/9/2018

相信大家每日都會花唔少時間碌手機,而當中又有唔少時間會開Facebook睇下朋友嘅最新動態。但係,你除咗睇朋友嘅消息之外,又知唔知原來Facebook都可以搵工同請人呢?
 
原來Facebook在今年已經靜靜加入咗招聘嘅功能,唔知在邊到搵到? 其實在Facebook應用程式最底嘅捷徑列,最右手面嘅選單、再拉入去「選擇更多」、拉落去就會有個「職位空缺」嘅選項。
 
入到去、同一般嘅搵工程式又有乜唔同呢?有時你都想搵翻份心水地區嘅工,可以好似我咁,先揀地區,我就揀咗荃灣區,之後下面就會顯示現時在荃灣區附近嘅職位。除咗地區之外,你仲可以再選擇工作嘅工種,同埋你想搵全職、兼職又或者係實習都得㗎!睇岩份工,就可以按入去睇下份工嘅要求同埋待遇,你仲可以按「立即應徵」,Facebook就會以你輸入嘅個人資料做籃本準備一個基本的電郵寄俾僱主。都算方便!
 
如果你間公司想請人,咁又點呢?首先你公司要有一個Facebook專頁、在呢個「職位空缺」嘅頁面揀「發佈招聘帖子」、之後只要你揀翻邊個專頁同輸入翻要請嘅職位資料,呢個職位就會發佈喇!相對一般嘅求職網站,Facebook仲可以問求職者一D簡單嘅問題,方便甄選求職者!最緊要係,刊登職位空缺完全免費!
 
《Z世代達人》
麥卓華

追蹤我們
公司殊榮
Copyright Claims
Copyright Claims