播出日期:19/12/2018
之前都有同大家介紹過國泰航空A350嘅機上Wifi系統，速度同地面相比都有一段距離。澳洲航空 Qantas 近期在澳洲嘅內陸機上亦推出咗免費嘅空中上網服務，質素又係點呢？ 今日就同大家去試下！
同其他航空公司嘅空中上網服務唔同，澳航在網頁上面嘅介紹，已經寫明，可以透過佢哋嘅Wifi上網系統，即時串流電視、電影同埋音樂，相信上網嘅速度同埋穩定性都應該會唔錯。當飛機飛到指定嘅高度之後，我就用手機接駁「Qantas Free Wifi」，之後手機就會出現一個登入畫面同埋有關航班嘅實時資訊，包括飛行時間、天氣以及相關目的地資料咁。
好喇，登入咗之後，等我試下做個測速先。下載有十幾MB，雖然上載唔夠1MB、同埋Ping Time都比較大，不過有呢個成績，對比之前我咃在國泰A350航機測試，已經有好大嘅進步了！試咗測速，我哋又試下實際嘅使用體驗先。首先試下打開 Youtube 手機應用程式睇下片… 好有驚喜！唔只Load得快，而且在高清嘅情況之下都完全唔起格同唔窒！ 咁再等我試下睇即時電視先！ 打開TVB新聞App，睇睇新聞台同財經資訊台… 因為有畫面下面嘅新聞走馬燈嘅原故，對速度嘅需求就會更高，不過，我睇咗咁耐，一樣都係全高清無起格，一點都唔窒，絕對可以同平時用開嘅網絡媲美！
唔知呢類快速嘅空中上網，幾時先可以普及呢？
《Z世代達人》
麥卓華
