Z世代達人

播出日期:17/5/2019

喺 Coffee Shop 或者圖書館用公共電腦上網登入電郵或者社交網絡就當然有危險,但有時在朋友屋企又或者公司,想登入自己嘅 Gmail 睇一兩封電郵,你又知唔知可能會令你洩露私隱呢?

如果真係要用人哋嘅電腦睇電郵,可以點做呢? 我就建議大家開 Chrome 入面嘅 Guest Window 訪客模式或者無痕模式進入。不過大家要留意,如果你喺一部陌生嘅電腦登入自己嘅戶口, Google 可能要用你嘅手機進行認證先至俾你登入架。當你用完 Gmail 之後記得完全關閉瀏覽器,確保無人用呢個視窗睇到你嘅電郵。

如果你一時貪快或者迫於無奈嘅情況之下用咗普通模式登入 Gmail  嘅話,用完之後你就要按右上角嘅縮圖,再按登出,之後你能以為已經登出晒,但係原來只要再打 gmail.com,雖然未可以直接登入,但係已經會出現咗你嘅電郵地址,喺呢個時候,你就要揀呢個地址再按下面「Remove the account」,先可以喺呢部電腦完全剷除你嘅電郵蹤影!

除咗電郵之外,其實常用嘅社交媒體 Facebook 當你喺登入咗之後,都會保存你嘅登入資訊喺個瀏覽器入邊,所以記得除咗要登出之外,最好都係用返訪客模式或者無痕模式,同埋用完之後每次都要喺個網站睇下仲會唔會顯示你嘅用戶名稱,確保私隱唔會外洩呀嘛!

《Z世代達人》
麥卓華

追蹤我們
公司殊榮
Copyright Claims
Copyright Claims