食玩飛常遊

播出日期:9/9/2019

提起澳洲悉尼你可能會諗起悉尼歌劇院又或者達令港嘅夜景,你又知唔知道原來有個魚市場呢?

原來好多朋友都唔知悉尼市中心附近有呢個悉尼魚市場 Sydney Fish Market 嘅存在。呢度景色優美,而且非常乾淨,鋪頭仲相當友善㗎!等我同大家行個圈先,一入到嚟就人頭湧湧,不過秩序都唔錯,街頭大部份嘅檔口都係賣生蠔同埋海膽,嘩!你睇吓呢度啲生蠔!?真係陳列到好似珠寶首飾咁,再睇吓另一檔先!即開海膽可以咁靚?好!同我包起佢啦!

再行入啲就見到蝦、龍蝦、蟹腳、同埋林林總總唔同嘅海鮮,個個都賣得歡天喜地,呢啲燒海鮮好似好受歡迎咁喎,又等我叫返碟試吓先!

睇下我叫咗呢打生蠔幾咁新鮮!仲有頭先隻海膽,等我俾個近鏡你睇吓!

好喇,食完蠔同海膽我宜家就開餐喇,呢度其實有好多唔同嘅選擇俾大家,如果你有興趣,不妨都嚟食吓野呀!

睇我食呢碟燒海鮮咁滋味,就知道美食加靚境有幾享受啦!

要嚟呢度其實好簡單,由悉尼市中心出發,可以搭 Lightrail 喺 Fish Market 站落車就到!每朝 7:00 就開門,下晝三四點就打烊架喇!

追蹤我們
公司殊榮
Copyright Claims
Copyright Claims