Z世代達人

播出日期:11/9/2019

Apple 喺香港時間 9 月 11 日凌晨發表咗 2019 年嘅旗艦手機 iPhone 11、iPhone 11 Pro、iPhone 11 Pro Max、今日就等我同大家介紹一下呀!

有別於去兩年喺命名上嘅混亂,今年 iPhone 統一返線新產品已 iPhone 11 嚟命名。三個系列分別叫 iPhone 11、iPhone11 Pro 同埋 iPhone 11 Pro Max,分別係 iPhone XR、iPhone Xs、同埋 iPhone Xs Max嘅後繼機種。

3部機都用咗 Apple 最新嘅 A13 Bionic 仿生晶片,比上一代快最少 20%,大細方面亦同上一相應嘅機種睇齊,分別係 iPhone 11 嘅 6.1 寸 Liquid Retina 屏幕、iPhone 11 Pro 嘅 5.8 寸同埋 iPhone 11 Pro Max 嘅 6.5 寸 OLED 屏幕。手機嘅按鍵排位同上一代幾乎一樣,不過背面嘅Apple標誌就到手機嘅正中心位置,傳統嘅 iPhone 字樣亦喺呢部機消失,睇起上嚟就更加簡約高貴。

今年最大嘅改變就係鏡頭,iPhone 11 配備兩個 1200 萬像素嘅廣角同埋超廣角主鏡頭、而 iPhone 11 Pro 系列更配備有 3 個 1200 萬像素分別係超廣角廣角同埋長焦距鏡頭,3 部機都有 2 部嘅光變焦功能,雖然未做到華為 P30 Pro 嘅 5 倍咁勁,不過都夠用有餘喇。另外,iPhone 11 3 個系亦配備一個 1200 萬像素嘅 True Depth前置鏡頭。為咗配合 3 鏡頭,背面嘅相機排位亦都花心思,三個大圓圈擺喺一個正方形入邊,唔靚就見仁見智喇!

相機軟件亦都花咗心思,配合 iOS 13 嘅推出,三部手機都支援 Night Mode 夜拍模式,起極低光嘅情況之下,亦都一樣影到細緻嘅靚相。另外你用 4K 拍攝嘅影片,更加以用iOS 13 內置嘅剪片軟件輕鬆剪接影片,轉、裁剪、甚至加入唔同嘅濾鏡都做到,同編輯相片一樣咁簡單。

另外官方亦都強調多個外置鏡頭可以同時操作,舉個例其中一個鏡經過白平衡同埋光圈等調教之後,其餘嘅頭都會一齊進行調教,確保影片唔會因為換鏡頭而有唔同嘅拍攝效果。

iPhone 11 系列支援高 1Gps 嘅網速,Wi-Fi方面就支援市面最新嘅 Wifi6 亦即係 802.11ax 技術,室內室外上網都會窒下窒下喇,不過又係時候換屋企嘅 Router 喇!另外,今年3部新手機,香港、澳門以內地嘅行貨都會配備真雙卡雙待功能,即可以同時使用兩張 nanoSIM卡,不過就用唔到 eSIM 喇。

電量嘅提升亦都係 iPhone 11 嘅亮點。官方表,係正常嘅操作之下, iPhone 11 比上一代 XR 系列可以多用 1 個小時,而 iPhone 11 Pro 同埋 iPhone 11 Pro Max 就分別比 Xs 同 Xs Max可以多用 4埋5個鐘。今次機身嘅充電位仍然係 Lightning,不過就會隨機附送 18W Type C 嘅充電器以及一條 Type C 去 Lightning 嘅充電線。呢個充電器可於半個鐘內為手機充滿一半嘅電量架!

全新嘅 iPhone 11系列將會喺 9 月 20 號發售,香港時間9月13晚上八時起接受預訂。

iPhone 11 嘅價錢比上一代 XR 列平咗少少,64GB、128GB以及256GB分別賣 HK$5999、HK$6499 以及 HK$7299,顏色方面就提供黑、白、綠、黃、紫以及 Product Red 嘅紅色設計。

iPhone 11 Pro 以及 Pro Max 系列就同上一代 Xs 以及 Xs Max 睇,64GB、256GB 以及 512GB 分別賣 HK$8599、HK$9899以及 HK$11599。

除咗以往嘅太空灰、銀以及金色之外,今年仲新加入午夜綠色,坊間就一致睇好呢隻新色,你又點睇呢?

《Z世代達人》
麥卓華

追蹤我們
公司殊榮
Copyright Claims
Copyright Claims