播出日期:20/3/2020
Apple 蘋果喺香港時間 2020 年 3 月 18 號晚，透過新聞稿及同埋網頁，發佈咗新一代嘅 iPad Pro 2020 系列產品。2018 年尾大改款嘅 iPad Pro，今次嘅新系列又會有啲乜嘢新功能同埋科技呢？ 今日就同大家睇吓！
新一代嘅 iPad Pro 2020 其實同上一代設計差唔多，最大嘅分別就係機背用上咗類似 iPhone 11 系列嘅四方模組鏡頭位設計，除咗保留1200 萬像素嘅主鏡頭之外，亦都加入咗全新 1000 萬像素嘅超廣角鏡頭，亦都加強咗補光燈嘅亮度。另外，iPad Pro 亦都首次引入咗LiDAR 感應器，即係光學偵測同埋測距技術，直接測量光飛行嘅時間，從而量度室內同埋戶外，喺遠到五米嘅地地方反射嘅光線，為擴增實境 (AR) 同埋更多嘅領域開創咗無限嘅可能。
iPad Pro 11 寸 同埋 12.9 寸嘅機身大細同上一代無分別，重量就差唔多，都感覺唔到有大分別嘅。顯示方面，都係用咗分別為 11 寸同埋12.9 寸嘅 Liquid Retina 屏幕，處理器就由 A12X 升級為 A12Z，呢方面大家就有少少保留，因為 iPad Pro 系列通常都會用最新嘅 iPhone 處理器再改良，但係由呢個數字去估計，今次應該只係一個小提升，不過嘅然官方都話呢個處理器比大多數嘅 PC 都要厲害嘅時候，我哋仲要挑剔啲乜嘢呢？講番呢粒 CPU，配合提升到 6GB 嘅記憶體，佢可以應付專業級嘅 app，好似 4K 影片剪輯、3D 設計同埋擴增實境等等， 8 核心嘅圖像處理器，亦都帶嚟咗流暢嘅表現。
Apple為咗令 iPad 系列可以同手提電腦有更加直接嘅競爭，iPadOS 13.4 終於正式加入咗「游標」Cursor 嘅功能，亦都即係可以配合 Mouse 或者 Trackpad 去用。好多朋友都話，其實已經有 Touch Screen，點解仲要用到 Mouse？ 原來好多專業嘅繪圖同埋剪接軟件，又或者文書處理，用 Mouse 或者 Trackpad 去控制，始終都會容易同埋精準過 Touch Screen 嘅，對於一般用家嚟講，其實有埋 Mouse，一般簡單嘅文書處理都可以有用大機嘅體驗喇！
為咗配合 Cursor 喺 iPadOS 13.4 嘅推出，Apple 官方亦都會推出咗全新嘅 Magic Keyboard 精妙鍵盤。iPad Pro 配合精妙鍵盤使用，部機睇落去就好似浮起咗咁，有啲似以前嘅 iMac 系列。講番功能，加入咗 TrackPad，旁邊仲可以用 USB-C 為部 iPad Pro 差電，非常討好同埋靚仔。
iPad Pro 2020 系列將會喺 3 月 25 號發售，分別有 太空灰 同埋 銀色 兩隻顏色，以及 Wifi 同埋 Wifi + 流動網絡 版本，128GB 嘅儲存空間 Wi-Fi 版，起跳價係 11 寸 嘅 HK$6399 同埋 12.9 寸 嘅 HK$7999，而 Wi-Fi + 流動網絡，128GB 版本就賣緊 HK$7499 同埋 HK$9099。喺馬來西亞方面， 128GB 嘅儲存空間，Wi-Fi 版起跳價係 11 寸 嘅 RM3499 同埋 12.9 寸嘅 RM4399，Wi-Fi + 流動網絡 版本，128GB 內存，就賣緊 RM4149 同埋 RM5049。 Magic Keyboard 精妙鍵盤 方面，將會係5月先會推出，價錢就係11寸嘅 HK$2299同埋 12.9寸嘅HK$2699。支援 「游標」Cursor嘅 iPadOS就會係 2020年3月24日開放下載，面見到嘅型號都可以更新！
《Z世代達人》
麥卓華
其他集數
5G 開台 CSL、3香港、中移動各區表現如何？全港首個 5G 大比拼！ Samsung Galaxy S20 Ultra 5G
5G 服務咁多嘢玩！VR 技術 24 bit 串流即時睇！ HKT 1010 csl 5G Galaxy S20 5G
5G 唔只得個快字！廣泛商業應用即刻試！HKT 1010 csl 5G應用 香港5G
iPad Pro 2020 疫市來襲！加入 Cursor 抽擊手提電腦？ 2018 年款用家換唔換得過？ iPadOS 13.4
TicWatch Pro 2020 追加三防功能 Wear OS 性價比之選？
3分鐘即睇 Redmi 紅米 Note9 Pro！性價比高影相靚！
Samsung Galaxy A51 開箱評測！中低價錢 旗艦體驗 仲要用到八達通！Galaxy S10 Note10 Galaxy S20 Ultra
國泰港龍終於有 Wi-Fi 了！3 分鐘實測 Wi-Fi 速度 - 2020 KA Cathay Dragon Wifi
