播出日期:19/6/2023
又黎到Z世代達人嘅時間啦~ HONOR榮耀近日就推出咗HONOR Magic Vs 5G呢部摺疊式嘅手機，仲宣稱呢部手機可以開創摺疊式手機嘅新時代，今日我地一齊開箱呢部手機啦
首先一齊睇睇HONOR Magic Vs嘅外形，呢部手機主打高雅風格，手機嘅四周採用金屬框架，背面就採用咗磨砂材質。 HONOR Magic Vs一拎上手感覺都比較聚手，重量方面會比普通手機會重小小咁多。
而屏幕方面，HONOR Magic Vs設有6.45吋微曲屏幕，展開咗之後就會有一塊7.9吋 2K + 高清大屏幕
今次HONOR Magic Vs採用咗突破性技術「魯班零齒輪鉸鏈」，呢個技術最特別嘅地方係，可以大大增加摺疊動作嘅可靠性同埋精密性，官方仲宣稱HONOR Magic Vs通過咗萊茵 40 萬次 摺疊測試。
簡單啲黎講，即係話你每日要摺疊手機100次嘅話，都可以用到十年或以上。 哇! 就咁聽落真係好耐用啵，咁就唔洗再擔心摺疊手機唔夠耐用嘅問題啦
而且「魯班零齒輪鉸鏈」呢個技術，仲可以為HONOR Magic Vs帶黎更多嘅空間，從而容納更大容量嘅電池。
HONOR Magic Vs 設有 5000mAH容量嘅電池，呢個容量嘅電池對摺疊手機黎講，真係一個突破黎。而且再配合埋 Magic OS 7.1 系統黎降低使用功耗，簡直就係如虎添翼，所以大家唔洗擔心HONOR Magic Vs續航力架
好啦~ 之後就到大家最關心嘅問題，究竟HONOR Magic Vs性能方面又係點樣呢?
今次HONOR Magic Vs採用咗Snapdragon 8+ Gen 1處理器，呢個屬於上一個世代嘅處理器，喺性能方面會唔會又比到驚喜比我地呢?
首先我會用跑分軟件黎睇下HONOR Magic Vs會跑到幾多分。 咦，跑出黎嘅分數都唔差啵，屬於上游嘅級別。
之後我就會使用HONOR Magic Vs嘅多工功能黎測試電話嘅性能
首先我就會試下一邊打遊戲，一邊上網。 測試結果可以睇到，整體感覺都好順暢，唔太會有疾機嘅情況出現，真係方便到需要一邊打機一邊搵攻略嘅朋友
再進一步，如果一邊打遊戲，一邊又開住Yotube睇片呢? 亦都難唔到HONOR Magic VS呢部手機，整體感覺同樣都好順暢，但當到咗遊戲戰鬥畫面嘅時候，就會有輕微疾機嘅情況出現啦
最後就到相機方面，HONOR Magic Vs設有5400萬像素嘅主鏡頭、5000萬像素嘅超廣角鏡頭，以及800萬像素嘅遠攝鏡頭，同時兩塊屏幕都會設有1600萬像素嘅自拍鏡頭
首先就會試下主鏡頭嘅表現，主鏡頭影出黎嘅相表現都唔差，物件嘅細節保留度可以話中規中距。而顏色方面亦都相對比較自然，味精味唔會太重
現在我又試埋超廣角鏡頭同埋遠攝鏡頭比大家睇睇啦~
HONOR Magic VS會有兩種顏色比大家選擇，分別係天青色以及亮黑色，建議零售價係HKD$9999 , 儲存空間就會有12GB RAM +512GB ROM。
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【小米Pad6評測】高性價比平板電腦 丨學生平板電腦首選 丨小米平板系列丨 小米Pad6 Xiaomi pad 6
【VIVO V27評測】中階抵玩手機 丨高攝影能力中階手機 丨 夜拍能力極佳 丨柔光環攝影 VIVO V27
【Evolve2 65 flex Speak 2 75評測】專為開會而設計的產品 丨疑真的聽覺體驗 丨輕巧降噪耳機 丨Jabra Evolve2 65 flex Speak 2 75
【Honor Magic VS評測】開創摺疊式手機新時代 丨超強性能 續航力 丨魯班零齒輪鉸鏈技術丨萊茵摺疊測試 丨Honor Magic VS
【Note 12 Pro+ 5G評測】中階機相機皇者 破格兩億像素主鏡頭 丨重新定義中階機相機規格 Note 12 Pro+ 5G
【Samsung A34評測】2023學生手機首選 丨高性價比三星手機 Samsung Galaxy A34
【Samsung 2023 產品發佈會】AI頂級智能家居SmartThings 丨嶄新屏幕技術 Samsung SmartThings Neo QLED
【POCO F5評測】2023最高性價比手機降臨丨超低價享受準旗鑑級手機配置 丨 POCO F5
