播出日期:27/9/2023

又黎到Z世代達人嘅時間啦，主打高CP值嘅小米又有新搞作啦~  小米13T系列即將面世，而且仲搭配咗LEICA鏡頭同埋高品質嘅屏幕添。今日喺我手上嘅就係小米13T呢部手機，我地現在就一齊睇睇啦~

先講下個外形，小米13T嘅外形同小米13系列差唔多。機身上方會有一粒開孔式嘅前置鏡頭、機身四邊就會有仿金屬框架，機身背面就會採用玻璃制嘅材質。再配搭埋喺我手上嘅陶瓷綠顏色，比人感覺好高貴好優雅，拎起手真係好似玉器咁~

而且小米13T全機身仲支援IP68防水防塵設計，耐用性真係大大增加架~

今次小米13T其中一個賣點，就係佢擁有一塊支援高達144Hz刷新率嘅CrystalRes AMOLED Display屏幕，平時主流嘅旗鑑機最高都係支援到120HZ嘅刷新率，而小米13T就有高達144HZ嘅刷新率，真係比到驚喜我啊~

電池方面，小米13T設有一組5000MAH嘅電池，支援最高67W嘅快速充電

到咗性能方面，今次小米13T會採用4nm 處理器 - 天璣8200呢粒八核心嘅處理器，睇黎小米13T嘅性能都幾值得令人期待。

接下來就用小米13T打機黎測試下佢嘅性能，喺遊戲畫質為「高階」嘅情況下，小米13T整體表現都非常流暢。而且有4nm處理器嘅加持底下，玩遊戲嘅FPS都好穩定，比較少有疾機嘅情況出現，就算到咗戰鬥畫面需求資源比較高嘅情況，一樣難唔到小米13T，同樣表現都好穩定。

到咗睇片方面啦， 小米13T睇Yotube片當然就無問題啦~ 到咗睇帶有走馬燈嘅新聞片嘅時候，下邊行走馬燈亦都好順暢，完全無疾格嘅情況出現。

最後喺咗相機方面，小米13T設有一組配備IMX707感光元件嘅5000萬像素主鏡頭，一組同樣都係5000萬像素嘅長焦鏡頭，以及一組1300萬像素嘅超廣鏡頭，以上三組鏡頭同樣都係LEICA鏡頭~

究竟係Lecia呢個品牌加持下，小米13T嘅影相表現又係點呢? 現在即刻試比大家睇睇。

首先喺主鏡頭方面，有Lecia主鏡頭加持下，小米13T影出黎嘅相已經同現今主流嘅旗鑑機相差無幾

相片入邊嘅細節保留度可以話相當高，顏色處理亦都相當自然，味精味唔會太重，同時相片層次感都好分明，而且小米13T更設有LECIA 生動 以及LECIA 經典呢兩種影相模式，令到用家可以根據唔同環境情況，應用唔同嘅影相模式，可以話係如虎添翼啊~

等我又試埋超廣角鏡頭同埋長焦鏡頭比大家睇睇啦~

到咗夜拍方面，小米13T有SONY IMX707感光元件嘅加持下，影出黎嘅相片，光度都好足夠，相片暗位嘅細節呈現亦都好多，而且成張相唔會話光到好誇張，整體感覺好自然

同時雜訊處理都做得好好，成張相比人感覺好乾淨，好柔和，等我又試多幾張比大家睇睇~

小米13T嘅售價、顏色及配置，大家可以留意畫面~ 

希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~

其他集數

【HUAWEI MatePad 11 PaperMatte 開箱評測】11吋全面柔光屏幕

播放中

【小米13T評測】Leica相機鏡頭 丨144HZ屏幕刷新率 丨IP68防塵防水功能 丨小米13T系列 丨小米13T

【OPPO Wi-Fi6 AX5400評測】超高性價比路由器 丨時尚高雅外觀 丨EASY-MESH 技術 丨 2.5Gbps WAN 介面 丨一千蚊有找 丨OPPO Wi-Fi6 AX5400

【Honor 90 Lite 評測】一億像素相機鏡頭 丨抵玩中階手機 丨高性價比手機 丨入門手機推薦 丨Honor 90 系列 丨 Honor 90 Lite

【TP-Link BE65評測】 Wi-F7新時代降臨 丨 超強性能路由器 丨 超高速度低延遲 丨Multilink-operation 丨6 GHz 頻段 丨TP-Link BE65

【Redmi Pad SE評測】開學學生哥平板電腦首選 丨超高CP值平板電腦 丨高續航力平板電腦 丨一千蚊有找 丨Redmi Pad SE

【Galaxy Z Flip5 評測】超實用機面屏幕 丨外形時尚精巧 易於攜帶 丨 3.4

【Galaxy Z Fold 評測】摺機界皇者降臨 丨超強性能 零隙縫丨雙軌結構鉸位 丨Samung Galaxy Z Fold 5