Z世代達人

播出日期:7/2/2020

喺新冠肺炎嘅疫情影響之下,含有消毒或者殺菌功能嘅商品就特別受歡迎。小米亦都追上呢股風氣,以「小米有品」嘅名義,眾籌推出「智能消毒殺菌燈」。今日就同大家睇吓!

呢個產品以「太陽搬進家裡」為概念,只要開啟殺菌燈,燈管就會發放紫外線殺菌,官方表示有效殺菌率達到 99.99%,對於應用喺日常家居、教室、寵物嘅消毒、甚至乎消毒嬰兒用品都一樣啱用架!

呢個產品點智能法呢?只要佢感應到有人靠近,就會自動暫時停止殺菌嘅功能,以免過量紫外光對人體嘅皮膚同眼睛造成傷害。另外亦都特設防止兒童錯誤開啟嘅功能,你亦都可以透過「米家」流動應用程式,開關呢盞燈,亦都可以收到呢盞燈嘅故障訊息。

呢件產品已經獲得超額 10 倍嘅眾籌金額,進入生產階段,預計 2020 年 3 月 6 號就會出貨,之後相信亦都會喺小米商店發售。眾籌價為人民幣 149 元,折合大約港幣 165 元。唔知你又會唔會心動想買返呢一個產品呢?

《Z世代達人》

更新:
(本節目拍攝及推出日期為2月7日,當時世衛並未有為新冠病毒正名(正名日期為2月12日)。本頻道所有於正名後拍攝之節目均已採用COVID19/新冠病毒之正確名稱)

追蹤我們
公司殊榮
Copyright Claims
Copyright Claims