播出日期:21/1/2021
近月唔少5G電話推出市場，其中一部引人注目嘅，就喺小米以三千尾賣街嘅新旗艦機款Mi 10T Pro 5G。作為小米旗艦機款，究竟喺各方面嘅表現如何？今日就同大家做個開箱啦！
Mi 10T Pro機身前後都使用玻璃面設計，採用咗Gorilla Glass 5強化玻璃物料，就咁望落去都有旗艦機嘅貴氣感。可以用作指紋識別器嘅開關鍵同音量鍵喺機身嘅右側，機底有SIM卡槽，USB-C插槽同內置喇叭，而機頂就有紅外線傳輸埠。呢部機採用咗6.67吋 開孔式 FHD+ LCD屏幕，而屏幕本身就支援30Hz到144Hz嘅屏幕更新率，亦都支援AdaptiveSync功能。
試埋部機本身先，Mi 10T Pro使用高通Snapdragon 865處理器，有8GB RAM記憶體，效能上已經係旗艦級水平，應付日常生活完全冇問題。等我開多個App試下先！睇有多行走馬燈嘅新聞資訊節目，表現都相當流暢！
Mi 10T Pro其中一個賣點，除咗2000萬像素前置鏡頭之外，就喺佢嘅三主鏡頭，包括1億800萬像素主鏡頭、1300萬像素超廣角鏡頭、同埋500萬像素微距鏡頭。等我哋試下影相先！影出嚟嘅相片顏色自然，清晰度亦高，放大睇都唔會變到好濛。俾埋夜景大家睇睇！喺比較暗嘅地方都可以捕捉到咁多色彩，保留到清晰度之餘又唔會太暗，真係唔錯！
喺軟件方面，之前我哋已經試過「魔法分身」呢個功能！只要用腳架固定手機，再開啟相應功能，之後企喺四個唔同嘅位置擺好姿勢，輕鬆搞掂！拍片都得架！等我哋搵個model試下先！一樣搞掂無問題！試完「魔法分身」，等我哋試埋個長曝光模式先！雖然唔係黑曬但係寫出嚟嘅字都好清晰！
再試一試呢部機上網表現，用Speedtest測試一下5G嘅表現！喺室內嘅情況下都有唔錯嘅表現。再試埋接收WiFi 6嘅表現！唔差嫁。呢部機另外仲有 Wifi Sharing 功能，可以用自己機做熱點，分享你已經連接咗嘅WiFi網絡。第時喺酒店，或者會限制連線數目嘅WiFi情況之下，都可以分享WiFi俾自己其他裝置用。
手機電量方面，Mi 10T Pro 有 5000mAh 電量，支援33W有線快充，唔駛一個鐘就可以差滿電，日常生活絕對夠用。呢部機亦都支援 NFC 功能，加你嘅信用咭落 GooglePay，出街俾錢就更方便！
Mi 10T Pro 香港官方賣緊 HKD$3,699，配置8GB RAM同256GB內置儲存空間，顏色方面，有宇宙黑、月光銀、同極光藍三款顏色選擇，如果想以中階機價錢去感受一下旗艦級嘅水準，Mi 10T Pro絕對係一個好選擇！
其他集數
Garmin Venu SQ 開箱評測 全天侯健康體能運動偵測 支援最多室內外運動模式 高性價比智能手錶
OPPO Reno5 5G 系列評測 | 多項AI攝影技術 | 天線包邊 5G接收更穩定
realme7 5G 抵港！雙卡雙5G達成！年青新選擇賣呢個價！
Mi10T Pro 5G 開箱評測！5G Wi-Fi 6 掂唔掂？主打相機又得唔得？ 分身功能點玩法？
Redmi 9T | 6000mAh電池 + 4鏡頭 | 4G 雙卡雙待
三星 Samsung Galaxy S21 Ultra 旗艦皇者登場！Wi-Fi6E 100倍加強版SpaceZoom+雙光學變焦鏡頭 無得輸！
【2021新機】三星Samsung Galaxy S21+ 5G / Galaxy S21 5G 旗艦級手機屏幕 30倍 SpaceZoom 加 ZoomLock 影遠嘢一樣掂！ S21plus
OnePlus Nord N10 5G 開箱評測 | 2021入門 5G電話 | 流暢 90Hz 屏幕 | oneplus nordn10 5g
