播出日期:1/4/2021
小米11 喺稍早時間已經正式登陸香港，究竟呢部旗艦級 5G 手機用落係點？今日就同大家一齊睇下！
呢部 小米11 嘅機背採用磨砂玻璃設計，拎上手感覺順滑，而且唔容易沾上用家指紋。佢正面使用咗 6.81 吋嘅 AMOLED 2K 四曲面開孔屏幕，有 120Hz 嘅刷新率，同 480Hz 觸控採樣率。機身上，小米11 嘅底部有支援雙卡雙待嘅 SIM卡卡槽、Type-C 插口、同埋喇叭，而因為佢嘅喇叭有同 Harman Kardon 合作，所以佢嘅頂部會有 Harman Kardon 嘅標誌，而隔離就有另外嘅喇叭同埋紅外線發射器。最後喺機身右側就有音量鍵同電源鍵。
處理器上，佢配備使用 5nm 製程嘅高通 Snapdragon 888，支援屏幕指紋解鎖、5G 網絡、及一機連接兩個藍牙音訊裝置等等功能。等我哋開條片睇下先！佢嘅畫質非常好，喺 120Hz 更新率下，畫面亦非常流暢！開多個多行走馬燈嘅新聞資訊節目先！依然好流暢，無 lag 嘅情況！再試埋玩遊戲！就算同時開三個程式，都完全難唔到 小米11，果然係旗艦機！佢嘅 5G 速度都唔錯架！喺室內情況下，下載都有 430Mbps 嘅表現。
睇睇拍攝方面，呢部機配備咗 2000 萬像素前置鏡頭。而後置 3 鏡頭就由 1 億 8 百萬像素廣角主鏡頭，1300 萬像素超廣角鏡頭，同埋 500 萬像素 50mm 長焦微距鏡頭組成，支援 8K 拍攝、各類濾鏡、不同款式嘅電影鏡頭、慢動作、同長曝光等等功能。等我哋試下正常影相先！影像好清晰，放大睇細節位好足，色彩亦都非常自然。喺廣角鏡下，畫面邊位無出現太大嘅畫面變形，都依然保留到一定嘅清晰度！佢嘅微距鏡頭亦相當出色，大家睇下！最後睇埋佢嘅夜間模式！出到嚟嘅效果都幾好喎！
呢部機嘅電量有 4600mAh，支援 55W 有線快速充電，同埋 50W 無線充電技術，另外，佢亦支援 10W 反向充電，最快 45 分鐘就可以由零差滿電。
小米11 香港已經有售，內置 8GB RAM + 256GB 儲存空間款，有午夜灰同天際藍兩款顏色選擇，官方建議售價係 HKD $5699。以呢個價錢就可以買到呢部各方面都係旗艦級配置嘅電話，絕對係超級性價比之選！
其他集數
Filter King Aura Air Multiplier 多功能空氣清新機 開箱評測 | 殺菌小風扇 冷暖兼備 四季必備
G-Shock G-Squad Pro GSW-H1000 5月見街！首隻 Google WearOS x G-Shock 上山下海無問題！
Nokia X-series G-series C-series 6款新機震撼登場 5G中階入門全方位包辦
小米 XiaoMi Mi11 評測 | 旗艦級處理器 5G雙卡雙待 1億主鏡頭支援8K拍攝
Xiaomi 小米11 Ultra 小米11 Lite 實機評測 | 機背有型副屏幕 Dxomark 史上最高
4G 21mbps 真無限月費大戰 一觸即發！$138全包有乜要留意？ClubSIM MO+ Smartone 點揀好？2021
Amazfit T-Rex Pro 重裝回歸 | 唔駛$1300 媲美 G-Shock 更高性價比軍用級智能錶
WD My Passport SSD 開箱評測 NVMe超快讀寫速度 體積輕小便攜 耐抗高跌性能 硬件加密 睇片彩蛋優惠
