生活部落格

播出日期:7/7/2021

相信大家疫情其間只可以屈喺屋企,就一定屈到悶㗎啦,嚟緊白爛貓會化身“87旅行團”團長,帶你嚟一場夠晒白爛嘅旅行。依家就嚟先睹為快,睇下有乜好玩啦!

“置富Malls X 白爛貓87旅行團”將會喺 4 個唔同嘅廣場以唔同地區做主題俾大家打卡,分別係馬鞍山嘅埃及旅行團、天水圍嘅法國旅行團、第一城嘅夏威夷旅行團,同埋紅磡嘅港澳台旅行團。想睇下白爛貓有乜咩吐槽,或者想搵佢打下卡,影下相咁,就一定要記住佢哋喺邊到啦!

今日就先同大家睇一睇馬鞍山嘅埃及87團有啲乜嘢啦~

值得一提嘅係,唯獨只有馬鞍山嘅“87古城記”聯同咗附近嘅馬鞍山廣場三聯書店,推出咗 2021 年嘅白爛貓系列精品,當中包括造型睡衣,背囊,文件夾 等等,想知仲有乜嘅話,自己去睇下啦!手快有,手慢無㗎!

最後亦都係最重要嘅就梗係有各種優惠啦。配合住消費券嘅發放,喺置富Malls 消費除咗可以有電子現金券回贈之外,仲可以換到“置富Malls X 白爛貓”限定禮品。另外,暑假嘅每個週末都有必中禮品嘅抽獎,你仲有機會抽到部 Nintendo Switch 遊戲主機,又或者 Dyson 直立無葉風扇。

呢個“置富Malls X 白爛貓87旅行團”將會由七月八號開始,一直到十月二十四號,想知道白爛貓同佢嘅朋友Cosplay咗啲乜,就快啲過嚟睇下啦!

追蹤我們
公司殊榮
Copyright Claims
Copyright Claims