播出日期:5/1/2022
Nokia 一直以耐用同高性價比備受關注，今次係久違7年之後，再次出平板電腦，唔知用落又點呢? 今次就同大家開箱睇下啦!
打開個盒可以見到 Nokia T20 平板電腦，充電器、USB TypeC線。
機身外殼用上金屬物料，比人一種堅硬耐用嘅感覺。而機身頂部有兩組咪，可以係收音嘅同時進行降噪，咁就唔怕同人視像嘅時候收晒啲雜音入嚟啦!
嚟睇一睇今次Nokia T20嘅配置先，Nokia T20用上Unisoc T610 八核心處理器，加上4GB Ram 64GB Rom。
唔夠容量嘅話，T20最高可以支援 512GB嘅外置MicroSD 記憶卡。
而今次我哋依部係WIFI+LTE 4GB版本，可以插MicroSD 記憶卡同時都可以加一張電話卡，咁就隨時隨地都上到網啦!
續航力今次都相當出色，擁有8200mAh嘅大害量電池，就算連續睇片10個鐘，Nokia T20都頂得住。
今次Nokia T20 最大嘅特色就係佢嘅聲音同畫面喇! Nokia T20 用上 10.36 吋 5：3 比例 嘅2K 螢幕，解像度高達 2000 x 1200。
機身嘅兩側都配備咗喇叭，同時支援 OZO Audio 同 OZO Playback 空間環繞音效技術，排除干擾之餘仲可以突出重點嘅聲音，咁喺睇片嘅時候就有最佳嘅享受啦。
Nokia T20有WIFI同WIFI+LTE 4GB 兩個版本，不過就只有深海藍一隻色可以選擇。
而售價方面，WIFI版本賣$1898港幣，而WIFI+LTE 4GB版本就賣$2398港幣。
以價錢嚟睇，唔使$2000蚊就可以買到部2K螢幕嘅平版電腦，Nokia T20絕對係性價比之選!
其他集數
Honor Magic V | 首部 Snapdragon 8 Gen 1 摺屏手機 2022摺屏手機最強指標
Samsung Galaxy S21 FE 5G | 輕旗艦 5G 雙卡雙待 120Hz + Galaxy 系列最快晶片 極速新體驗
AMAZFIT GTR 3 開箱評測 | 一鍵測量 測出心率血氧 大圓特亮錶面 20天長續航
Nokia T20 開箱評測 | 唔使$2000 高性價比2K螢幕平版電腦
小米12 有高階Pro 入門X 當然仲有標準版 高性價比三機同堂
小米12X 入門款同步推出 同小米 12 Pro邊部機好啲?
小米11T Pro 開箱評測 | 趕時間手機先嚟冇電? 120W極速快充 17 分鐘即時滿電
小米 12 Pro 強勢出現 ! 搭載最強處理器 問鼎2022年最高性價比手機?
