娛樂新聞

播出日期:20/4/2022

馮允謙宣佈將於7月2號至4號,於九展Star Hall 舉行一連三場【馮允謙Have a JAY Time 2022 演唱會】,首度挑戰四面台並慶祝入行10周年。

Jay早前為演唱會海報進行拍攝工作,為了展現其陽光及性感一面,工作團隊希望Jay可以稍為展示胸肌,要求Jay解開恤衫鈕,若隱若現的胸肌十分吸引,但Jay卻顯得有些尷尬:「我前兩日同屋企人上郵輪玩,好開心,食咗好多嘢,嚟到影海報時就知驚,好驚啲肥膏『咇』晒出嚟!多謝攝影師好叻,搵啱角度,影到好靚!」

個唱開騷倒數尚餘70天,Jay透露正努力減磅,他說:「去年減咗 15 磅,但自從爸爸返咗香港同我一齊住,呢半年佢日日煮好多好好味嘅嘢畀我食,我唔食佢會嬲,作為孝順仔一定要食晒,結果重咗10磅,就嚟開騷我真係唔可以再食。」

今年是Jay 出道10周年,夢想成真舉行個唱,他非常興奮和期待,最感激一班忠粉:「最多謝係Fans,好多由我初出道就一直陪伴,畀好多鼓勵和支持,有段時間我無晒自信心,甚至想放棄唔再做歌手,係佢哋無放棄我,不斷傳訊息叫我加油,成日問我幾時出歌,畀咗好大嘅力量令我堅持。我會做好今次演唱會報答佢哋。」除了Fans和家人,Jay亦希望邀請合作過的歌手朋友來睇騷,分享開騷的喜悅。

追蹤我們
公司殊榮
Copyright Claims
Copyright Claims