播出日期:31/1/2023
又到左Z世代達人嘅時間啦，環保一向都係全世界都非常重視嘅議題之一。除左生活習慣之外，你又有無諗過，原來大家嘅手機都可以好環保？Nokia最近就以「最環保嘅電話」為名，推出左Nokia X30 5G呢部中階智能電話，機身所有材質都係以100% 回收鋁材及 65% 回收塑膠製成，都可以話係十分之貼題啊！
雖然呢部Nokia X30 5G主打環保材料，但性能上一啲都唔馬虎㗎，今日我地就一齊睇吓佢有啲咩驚喜比我哋啦！Nokia X30 5G連機身外盒都採用可以循環再造嘅紙外盒，真係夠哂環保啊，一打開盒就會見到一部手機主機，配件方面會有一條充電線，盒底下會有說明書。一拎上手嘅手感好好，好順滑，機身亦都唔會𠝹手，完全摸唔出環保材料同一般材料嘅分別。一開機就有熟悉嘅Nokia開機聲音，相信聽到都會勾起唔少朋友嘅經典回憶。
Nokia X30 5G採用6.43吋嘅AMOLED PureDisplay 屏幕，亦都支援90HZ嘅屏幕刷新率，同時配載左高通嘅「S695」處理器，可以話係Nokia近年用到最高級嘅處理器。Nokia X30 5G配備IP67 抗水防塵外殼、日常使用都唔會擔心防水嘅問題。講左咁多硬件上嘅配置，都係試一試最實際，等我試吓睇片同打機順唔順先~
整體黎講，玩遊戲只要Setting唔係最高規格的話，都係非常順暢嘅，而係睇片方面就更加無問題，播片嘅時候畫面都好順唔會Lag機㗎～Nokia X30 5G配備左一個5000萬像素PureView OS主鏡頭、1300萬像素超廣角微距鏡頭以及1600萬像素嘅前置鏡頭。
其中相機模式入邊嘅OIS 光學防手震功能就最吸引我啦，因為成日做直播拍片都難免會遇到手震嘅問題，呢個功能對於揸機唔夠穩定嘅朋友來講絕對係一大福音啊！
等我Show比大家睇，開左防手震模式之後有咩分別啦～5000萬像素鏡頭影出黎嘅相算係中規中距，相入邊細節都唔錯，以今次Nokia X30 5G嘅定位黎講的確係交足功課㗎～
Nokia X30 5G嘅廣角鏡頭就採用左Capture Fusion影像融合技術，同步利用主鏡頭進行拍攝，可以提升相片中心位置嘅細節，等我又試試先～啲相影出黎嘅效果，真係有別於其他手機拍出黎嘅廣角喎，中心細節更加有層次同清晰。
而夜拍模式方面，Nokia X30 5G會有兩個夜拍模式，分別係普通嘅夜拍模式，同埋極夜模式可以睇得出普通夜拍模式影出黎嘅效果光線比較柔和，而且細節位會顯示得比較清楚，而極夜模式下，相對會比較暗，而且細節位會比較少。
所以Alferd我就建議，各位朋友如果想影普通嘅夜景，用普通嘅夜拍模式就足夠啦，真係喺好黑暗嘅環境下先再轉用極夜模式，效果會好好多Nokia X30 5G亦都有一個腳架模式，可以提高夜景照片嘅曝光率，令到成張相更光，細節更清楚。可以睇得出喺腳架模式底下，相比普通夜拍模式，或者極夜模式，照片嘅亮度高咗好多，而其他細節位亦都會更加明顯。
總括黎講，Nokia X30 5G喺日常使用方面都算係不錯，打機、睇片係無問題。
相機配置方面就更加係簡單而實用，防手震同夜拍模式都兼備，好適合一般冇特别大性能需求但又追求性價比嘅朋友。
Nokia X30 5G 嘅售價係$3688，有分別有暮藍色、雪白色兩隻顏色可以選擇，儲存空間就有256 Gb。
其他集數
【POCO X5 5G評測】3分鐘終極懶人包 最強性價比中階機 一億像素鏡頭 丨 POCO X5 5G POCO X5 5G Pro
【Samsung Galaxy S23評測】5分鐘終極懶人包 超強兩億像素拍攝主鏡頭 夜間人像拍攝模式 丨三星Samung S23
唐樓村屋上網必備 唔洗穿牆拉線都享有5G既速度? 丨 5G SIM卡 上網慢的救星 OPPO 5G CPE T2 路由器
隨時隨地夜拍街拍無難度 中階機夜拍最佳選擇｜兼具兩種夜拍模式+OIS 光學防手震功能 Nokia X30 5G
裸機派首選 深度二次強化玻璃超高強度屏幕｜手機防護及高性價比兼備 HONOR X9a
Unitek Cooling Dock Pro for Steam Deck | 香港品牌外接機座 業界領先散熱系統 | Z世代達人
小米 12T Pro | 兩億像素鏡頭 媲美專業級相機 | Z世代達人
Playstaion《God Of War Ragnarök》戰神系列新作發售紀念活動｜Tyson Yoshi、Hillary、邱福龍 出席香港發售紀念活動
