播出日期:27/2/2023
又黎到Z世代達人嘅時間啦~ 主打高性價比嘅小米，已經推出左小米13Pro 國際版，今日Alfred我就同大家睇睇呢部手機究竟帶左咩驚喜比我地啦~
一打開箱就會見到一個包裝盒，入邊會裝住一個保護殼。而包裝盒下邊就會係小米13Pro嘅主機。 主機下邊就會有一個120W嘅充電器，同埋一條充電線。
小米13Pro配置 6.73吋 3200X1440 嘅2K AMOLED 曲面屏幕，支援HDR 10+ 。而近年各品牌旗鑑機嘅基本配置 - 120HZ屏幕更新率，就當然都會支援埋啦
小米13Pro成部機身都設有IP68級別防水，電池方面就會有4820mAH容量電池，支援120W有線快充以及50W嘅無線快充
小米官方宣稱小米13Pro嘅性能有好大進步，小米13Pro嘅核心晶片採用左Snapdragon 8 generation 2，手機各方面嘅性能都有全面嘅提升，等我用手機嘅跑分軟件，睇下呢部小米13Pro 國際版會有幾多分先。
跑分出黎嘅結果對一部主打性價比嘅旗鑑機黎講，絕對係收貨有餘啦。
就咁講分數大家會覺得好抽像，等我試下用小米13Pro 玩遊戲、睇下片先
經過實測之後，遊戲方面開最高配置都唔會Lag機，而且FPS都好穩定。
手機溫定度方面，Alfred我大約玩左30分鐘左右，電話嘅溫度都唔會好熱，睇黎小米係控制電話溫度方面，真係落足哂功夫啊
而睇片方面，就當然無問題啦，無論係睇Youtube，定係畫面比較複雜嘅新聞報導通通都好順暢，下邊走馬燈都無疾格情況出現
而小米13Pro影相功能方面，今次小米13Pro會同德國著名相機公司Leica合作，一齊研發左三個相機鏡頭，三個鏡頭同樣都係5000萬像素，分別係廣角主鏡頭、支援浮動變焦嘅遠攝鏡頭，以及一個超廣角鏡頭。
究竟係Lecia呢個品牌加持下，小米13Pro嘅影相表現又係點呢? 現在即刻試比大家睇睇。
首先講下浮動遠攝鏡頭，小米13Pro可以影最近10cm 至到無限遠嘅物件，簡單啲黎講即係一個鏡頭就可以做到微距拍攝、同埋遠攝，而且對焦速度仲相當快添
微距拍攝拍出黎嘅細節位都好清楚，色彩還原度都相當之高，而且對焦嘅速度都好快，真係好方便架。
同時影遠嘅野都唔太差，等我試哂喺唔同嘅倍率有咩效果比大家睇睇。
而夜拍方面，小米13Pro 主鏡設有一吋IMX989感光元件，所以佢嘅吸光能力會有顯著提升，影出黎嘅夜拍相片無論係細節、色彩同埋光度都係一流嘅水準，再配合埋高通嘅AI引擎，相片畫面運算嘅速度大大提升，簡直係如虎添翼啊
而超廣角鏡頭拍出黎嘅相都好自然，唔會有魚眼嘅情況出現，絕對可以收貨啊
除左以上比較常用嘅鏡頭之外，小米13Pro亦都有設有「Leica生動」同埋「Leica經典」兩種唔同嘅模式，兩種模式喺色相、對比度、飽和度等都各有千秋，大家可以根據番唔同情況去用適合嘅模式。
小米13Pro 會推出兩個版本，分別係12GB RAM + 256GB 內存，售價係HK$7699，另一個版本12GB RAM + 512GB 內存價錢就會係HK$8499
而顏色就會推出黑色同埋白色
希望你鍾意Alfred今次嘅介紹啦，記得訂閱加Like我地 Meeeepmore 嘅 Youtube Channel 同埋 Facebook 專頁，我地下次再見～拜拜
其他集數
【內地漫遊推薦】CSL 1010 86易 每月29蚊即有內地電話號碼 仲有5G上網?
【Honor Magic系列評測】Honor Magic系列超簡易懶人包 丨 首度推出摺機 DXOMARK測試全球第一名旗艦電話 HONOR Magic 5 Pro ,HONOR Magic 5 VS
【XR眼鏡評測】屋企地方細都可以有睇電影嘅感覺丨4米近距離睇130吋大屏幕 TCL Nxtwear S XR眼鏡
【小米13 Pro 搶先評測】小米2023最新旗鑑機 德國Leica鏡頭 丨 超強微距拍攝 浮動遠攝鏡頭 小米 13Pro
【紫外線消毒】隨身攜帶的消毒神器 高質素藍牙耳機 丨隨時為您的藍牙耳機消毒殺菌 Direach 無線充電紫外線消毒盒 Elite Go 真無線藍牙耳機
【旅行工幹充電首選】多國通用快速充電插座 持續殺菌的充電線 丨 Direach 65W GaN 氮化鎵快速充電器 銀離子抗菌充電線
【S23 Ultra 真實評測】獲一致好評的頂級Samsung旗艦機 Samsung Galaxy S23 Ultra
【輕巧按摩槍】輕巧便攜又不失力度的按摩槍 ELEEELS P2
