播出日期:2/5/2018
最新嘅科技資料、潮流玩意，都有《Z世代達人》麥卓華到處搜羅送到你面前！
智能手機既發達，今時今日我地都習慣使用即時通訊軟件作溝通，呢類以文字為主既通訊模式，有時都免除咗用說話溝通嘅尷尬。不過有時我哋做嘢可能太忙，又或者真係暫時唔想覆短信，但睇咗又會比對方知道，唔覆或者會比人話已讀不回。如果你用緊Android手機，今日既介紹就可能幫到你喇！
講緊嘅就係呢個叫做「已讀不回助理」嘅流動應用程式。佢可以俾你睇到包括WhatsApp、Facebook Messenger、以至Line等即時通訊軟件嘅訊息，但對方嘅手機上邊就唔會出現已讀既標示。下載左之後打開呢個流動應用程式，佢首先會要求加入「訊息通知」嘅授權。你可以跟住佢嘅連結，授權之後最好重開一次部手機，已讀不回助理就會開始生效㗎啦！
當我收到WhatsApp嘅訊息，手機雖然有預覽，但係有時訊息太長或者之後有更多新嘅訊息呢個預覽就會冇咗。有咗已讀不回助理，佢就會記錄晒收到嘅訊息，你想睇又唔想俾人知道你睇咗嘅時候，只要按入去就一目瞭然啦，再睇下發送訊息嘅手機？都只係顯示收到未讀架！
仲有一樣特別既地方，就算對方刪除左個訊息，因為已讀不回助理已經記錄在案，所以你連刪除左既訊息都睇到架！
另外，除咗WhatsApp ,收到 Facebook嘅Messenger訊息都一樣得！不過由於IOS平台對於通知既收集同管理比較嚴格、所以呢類程式暫時在App Store係搵唔到架！
《Z世代達人》
主持：麥卓華
