播出日期:16/5/2018
最新嘅科技資料、潮流玩意，都有《Z世代達人》麥卓華到處搜羅送到你面前！
上一集同大家介紹過Google Photos免費無限嘅相片儲存空間，幫你手機騰出空位，但其實Google Photos仲注入咗人工智能 AI 功能 - Google Lens，有咩咁特別呢？
只要你打開呢個Google Lens 功能，佢就會幫你去分析你嘅相片，如果影嘅係一張卡片，佢會幫你分析番張卡片唔同嘅欄位，之後佢會問你係唔係想將呢D資料加入去通訊錄，以後收到卡片就無籍口唔入Phonebook喇。
另外，好似我早排去食野，影咗款蛋嘅食物相，想搵呢種蛋應該點叫法，都一樣可以搵 Google Lens幫手，只係幾秒鐘，佢就認到呢款係 Egg Benedict 喇！
如果我影低一枝樽裝綠茶，Google Lens 就可以分析枝綠茶嘅禎料，甚至話俾我知網上邊到有優惠添！
提提大家，因為 Google Lens 仲係喺開發階段，你手機要係用緊英文作為語言先可以用到 Google Photos入面 Google Lens呢個功能。不過放心，就算你部手機轉咗以英文作為顯示，其實一樣睇到同打到中文架。
《Z世代達人》
主持：麥卓華
