播出日期:9/10/2019

買咗新電話，當然希望第一時間就可以用，不過現代人一部電話有咁多個人資料喺入面，過料都係一個相當頭痛嘅問題。今日就首先同大家講下 iPhone 過 iPhone 有乜嘢要留意！

雖然蘋果官方一向都鼓勵 iPhone 用戶用 iCloud 還原新手機，但係好似我咁有成接近 200GB 嘅料，又唔想啲相一啲一啲咁慢慢 download，最快捷嘅做法就係好似我咁買呢條 Apple 原廠嘅 Lightning 去 USB 3 轉接線。

過料之前，我習慣會做多次 Backup。你可以去「設定」、揀上邊嘅 Apple ID 圖示、iCloud、之後揀 iCloud 備份、之後睇吓上一個備份係幾時。不過點都好，我都會撳「立即備份」做多次 Backup，就算之後過料出咗乜嘢問題都好， iCloud上邊都有一套完整嘅數據呀嘛。

提提大家喇，WhatsApp 嘅資料備份都好緊要喎。過料之前不妨去 WhatsApp 入面嘅「設定」、「對話」、「對話備份」入面做多次 Backup！

好啦，跟住就正式過料喇。除咗頭先個轉接器之外，你亦都需要兩條 Lightning 去 USB 大頭嘅充電線。新機開咗機之後唔使爆機，將轉接線插入舊嘅 iPhone 入面，之後將其中一條充電線大頭插落轉接線嘅 USB 頭，Lightning 頭就插落新機，另外記得將另一條充電線插住轉接器嘅 Lightning 頭充電。呢個時候舊機有機會出現更新配件嘅通知，你可以確定呢個更新。之後就去新機解鎖，舊機嘅畫面就會叫你確認傳送資料。確認同埋配對之後，只要跟着簡單嘅指示，成部機嘅資料就可以開始傳送喇！

我部機雖然有接近 200GB 嘅資料，不過畫面顯示都係大概三個鐘頭時間就可以完成，最後用咗唔駛三個鐘就搞掂晒！

大部份嘅資料都已經全部轉晒落新機，提提你喇，WhatsApp 係要重新認證，記得要用返相同嘅電話號碼。而另外，如果你有用部份銀行嘅網上理財服務，記得一樣要喺舊嘅手機幫手，先至可以完成成個轉移嘅程序架！

《Z世代達人》
麥卓華

其他集數

[3分鐘懶人包] Google Pixel 4 / Pixel 4XL 登場！

Samsung 手機變電腦 Dex Cable 桌面體驗掂唔掂？ Galaxy Note10 Galaxy S10

Surface Pro X 自家CPU Always On 內置流動上網！[2019]

播放中

200GB 過料唔洗3個鐘！iPhone 11 Pro Max 過料全靠一條線！過料懶人包 [2019]

Microsoft Surface Duo 驚喜現身！雙Mon旗艦時代來臨！[2020] Samsung Galaxy Fold

Huawei 華為 NOVA 5T - 一半價錢 旗艦速度？

信用卡增值 Smart Octopus 八達通免手續費玩法大公開！

小米9 Pro 5G 小米 Mix Alpha 2019 驚天發佈！3分鐘懶人包