播出日期:30/10/2019

近嚟收到好多朋友報料，話換咗新 iPhone 之後，WhatsApp 啲料的確已經過晒去新機，但係唔知點解，當用搜尋功能嘅時候，就只可以搵到換機後嘅相關資料。我都即刻試下自己部機，打個 common 啲嘅字「Sure」，一睇，真係淨係 Search 到 10 月 8 號，即係換機後嘅資料，之前嘅就唔見晒，要人手慢慢咁向上搵… 咁有無得搞？

網上流傳一個比較簡單嘅方法，大家可以試吓。首先大家去設定、「Siri 與搜尋」、之後去下面搵「WhatsApp」、將「顯示 Siri 建議」同埋「顯示於搜尋」都熄咗佢，之後成個 Whatsapp 推走佢、熄機再開機、入番去設定開番頭先熄咗嘅選項、再入去睇吓係唔係已經回復正常。

我就無咁好彩，做完以上嘅設定之後都搞唔掂。最後我自己又諗咗個方法，而且成功搞掂哂。點做？首先開番 WhatsApp，去「設定」、「對話」、「對話備份」、如果你一直有做開 WhatsApp 備份到 iCloud，應該唔會好耐，不過記得揀埋「包括影片」，如果唔係之後啲片就會無晒！之後就好似我咁揀「立即備份」。

等到備份完成，你可以推走個 App，再去主畫面，長按 WhatsApp 圖示，揀「編輯主畫面」、按 WhatsApp 右上角嘅交叉、再認「刪除」。你暫時就會收唔到 WhatsApp。之後熄機再開機，去 App Store下載番 WhatsApp，跟住打開 WhatsApp，重新做一次電話認證，之後去到「從 iCloud 回復」嘅畫面就要小心喇！因為機會只有一次！揀「回復對話紀錄」。跟住 WhatsApp 就會先回復文字嘅訊息，再喺背景回復其他圖片同埋短片。好喇… 最緊要嘅部份，試下search 「Sure」呢個字先… 畫面出「結果準備中」… 咁就要恭喜你喇，因為咁樣表示你嘅紀錄正進行緊Indexing嘅動作，等到 100% 完成，睇吓！ 換機前嘅資料都可以 Search 到喇！

《Z世代達人》
麥卓華

其他集數

小米 CC9 Pro 手機 2019 終極發佈 平玩一億像素手機時代來臨！

Redmi7 紅米7 開箱！ 小米千元手機高性價比之選

華為 Nova 5T 手機開箱！$3000價位、旗艦享受！

播放中

Check 吓有無中招！ 換完 iPhone11 WhatsApp 舊料 Search 唔到？ 獨家教你解決辦法！iPhone 11 Pro Max iPhone 11 Pro

突發！Galaxy S10 及 Note10 系列指紋辨識漏洞 修補更新示範！

Linksys EA9350 Wifi 6 / AX路由發佈 iPhone11 / Galaxy Note10 系列最佳配搭

換咗 iPhone11 舊機 Suica 卡餘額點過新機？全港獨家 Step-by-Step 教學！

[3分鐘懶人包] Google Pixel 4 / Pixel 4XL 登場！