Z世代達人

播出日期:6/3/2020

今日就好好彩搭正國泰港龍其中一架有 Wi-Fi 嘅航機。其實國泰港龍本身就表示,今年將會為所有嘅廣體機安裝 Wi-Fi,不過佢哋嘅新聞稿從來都冇講過已經有飛機可以用到 Wi-Fi,今日就同大家試吓!
國泰航空喺 2017 年同 2019 年先後引入有 Wi-Fi 嘅 A350 同埋為旗下嘅波音 777 客機加設空中 Wi-Fi 服務,估唔到港龍嘅 A330 客機都低調開始引入服務。
一上到機,就見到座位雜誌袋多咗張 Wi-Fi 介紹卡。呢張介紹卡其實同國泰嗰張大致一樣,只係由主色綠色變咗紅色,收費方面,由於國泰港龍無長途機,所以全程收費劃一係 US$12.95 如果只需要使用一個鐘,收費就係 US$9.95。
即刻試下 Connect 先。起飛無耐,空中 Wi-Fi 服務就開始提供,當連接咗 Cathay Pacific Wi-Fi 之後,畫面會提示打開瀏覽器同埋登入指定嘅網址,之後就會見到國泰嘅登入頁面,亦都見到系統係使同安裝在喺 777 客機上面相同嘅 Gogo Air Wi-Fi。
今日我就揀咗 US$12.95 嘅全程 Wi-Fi 服務,之後就可以用現有帳戶登入,又或者重新輸入簡單嘅用戶資料,跟住就到付款頁,你可以用信用卡、支付寶又或者 PayPal 俾錢,之後撳購買,跟住就上到網喇!
等我做個測速試吓先!時延同之前測試嘅差唔多,而下載同上載就保持1、2mbps 左右,唔算快,但係上吓網、睇吓 Facebook 都算夠用。而我打開無綫新聞 App 睇直播,雖然 Load 咗成分鐘先有嘢出,但係就可以暢順咁睇到,真係有啲意外。
同國泰嘅安排唔同,呢架國泰港龍 A330 客機都仲係用緊舊嘅 StudioKA 機上娛樂系統,可能係因為咁嘅關係,Wi-Fi 連線 Portal 雖然都睇到實時嘅飛行地圖同埋簡單嘅航班資料,但係就無咗喺國泰客機上面,同新嘅娛樂系統互動嘅選項喇。
《Z世代達人》
麥卓華

追蹤我們
公司殊榮
Copyright Claims
Copyright Claims