播出日期:25/3/2020
5G 除咗講速度之外，實際嘅應用原來都好多元化個喎。早前我就應邀出席 HKT 旗下 1010 同埋 csl 嘅 5G 服務體驗，今日就同大家介紹一吓！
原來除咗一般手機同埋上網裝置之外，5G 喺商業上面嘅應用亦都相當廣泛。首先睇吓喺呢個醫院嘅情景入邊，醫療團隊可以透過接近即時嘅高清畫面傳送，睇到成個手術嘅過程。對於喺偏遠地區急救、甚至作為教學，喺呢個醫療人手緊張嘅年代，有效提高效率。你可能會同我一樣有個問題，正常 Wi-Fi 都可以做到喇，點解要用 5G 呢？Wi-Fi 好多時都要喺特定嘅地點先至有，但係當 5G 網絡覆蓋完善之後，每一部儀器都內置咗 5G 嘅上網功能，就可以忘記設定 Wi-Fi 嘅煩惱，亦都可以隨時隨地提供服務。唔好睇小 5G 低時延呢個特點，喺呢類型嘅手術場合，Delay 少少，都可能會導致出錯㗎！
除咗講到做手術咁大件事，原來 5G 喺問診同埋照顧病人方面亦都幫到手個喎。呢個畫面見到嘅就係一個 5G 機械人，喺病房幫病人量度體溫同埋問診嘅情景，當醫療機構面對人手短缺嘅情況，呢類型嘅裝置同埋配套就有效咁減輕人手嘅壓力，而且亦都降低咗醫護感染嘅風險添！
呢位哥哥仔帶住呢副智能眼鏡又有啲乜用呢？原來不久嘅將來透過 5G 上網嘅智能眼鏡，控制室就可以好似咁樣，清楚咁睇到同埋提示相關嘅同事喺維修嘅程序，進一步避免出錯，同埋訓練新人就未必一定要行孖咇啦！
5G服務喺商業上面嘅應用的確就好多，不過對於好似我哋咁嘅大眾用戶，又有啲乜嘢吸引嘅地方呢？下一集再同大家介紹吓！
《Z世代達人》
麥卓華
其他集數
5G 機皇 2020 三星 Samsung Galaxy S20 Ultra 開箱評測 Part 1 - 5G 流暢 介面驚喜！
5G 開台 CSL、3香港、中移動各區表現如何？全港首個 5G 大比拼！ Samsung Galaxy S20 Ultra 5G
5G 服務咁多嘢玩！VR 技術 24 bit 串流即時睇！ HKT 1010 csl 5G Galaxy S20 5G
5G 唔只得個快字！廣泛商業應用即刻試！HKT 1010 csl 5G應用 香港5G
iPad Pro 2020 疫市來襲！加入 Cursor 抽擊手提電腦？ 2018 年款用家換唔換得過？ iPadOS 13.4
TicWatch Pro 2020 追加三防功能 Wear OS 性價比之選？
3分鐘即睇 Redmi 紅米 Note9 Pro！性價比高影相靚！
Samsung Galaxy A51 開箱評測！中低價錢 旗艦體驗 仲要用到八達通！Galaxy S10 Note10 Galaxy S20 Ultra
