播出日期:3/4/2020
隨住 5G 網絡嘅推出，三星就喺 2020 年發佈咗 Galaxy S20 系列，當中又以 Galaxy S20 Ultra 5G 最令人期待。今日就同大家做個開箱！
打開啱啱收到嘅 Galaxy S20 Ultra 5G，盒蓋有個細盒仔，好，我放埋一邊先，除咗 S20 Ultra 5G 之外，Samsung 亦都包咗一個支援快充嘅 Type-C 充電器、耳機同埋充電線。
拆開盒蓋嘅盒仔，入面就裝着原裝嘅軟膠機殼，亦都包括一支 SIM 卡針。充電線係 Type-C 去 Type-C 嘅，而 AKG 耳機亦都係 USB Type-C 頭，再包埋唔同大細嘅入耳膠。
睇睇部機先，無論拍落上一代嘅 S10+，定係今年同系列嘅 S20+，擁有 6.9 寸大 Mon 嘅 Galaxy S20 Ultra 5G 都明顯比較大部，機身右邊係音量掣同埋預設 Bixby 掣，左面就完全無任何按鈕。SIM卡位繼續放喺機頂，耳機底呢就係 Type-C 頭，上一代仲有嘅 3.5mm 耳機插頭，終於喺呢代淘汰咗喇。SIM 卡槽係用 3 選 2 嘅混合設計，不過比較失望嘅，係我早前喺東南亞試機嘅候，S20 係支援 ESIM，但係香港版呢，就無咗呢個功能。究竟係香港三星刻意收埋呢個功能，定係因為處理器版本唔同，導致冇咗呢個功能呢？暫時就不得而知喇！
如果你有睇清楚嘅話，新機嘅機面已經預先貼咗原裝嘅保護貼，官方亦都建議保護貼要用返裝，屏下指紋辨識先至可以正常操作。
今次機面用咗類似 Note10 嘅 Infinity-O 中間開孔屏幕，自拍嘅時候更自然，機背嘅鏡頭就由 S10 系列嘅中上位，搬到左上角，亦都以今年流行嘅方型排列。不過呢個鏡頭位就比較重手，加上部機大部，所以拎上手係有啲墜手，同 S10+ 完全係兩種唔同感覺。
爆咗機之後好快就收到官方嘅更新提示，由於手機喺出廠嘅時候，香港嘅 5G 頻譜未正式使用，所以機入邊嘅 5G 功能都要透過呢個更新先可以用到。更新完，如果你係處於 5G 覆蓋嘅地區，你會見到 5G 嘅圖示喇！實心嘅 5G 圖示係表示你正在使用 5G 數據， 而空心嘅圖示就係表示有 5G 覆蓋。等我隨手做過 5G 嘅測試先，發現速度同埋時延都比 4.5G 有好大嘅改進，下載喺大部份時間都以百 mbps 計！關於更多 5G 嘅測試，大家可以參考我哋先前嘅節目！
屏幕預設嘅解像度達到 3200 x 1400 像素，你亦都可以將更新率由 60Hz 提升到 120Hz，雖然喺解像度方面有所犧牲，但係喺樓暢度就有明顯嘅提升，就算快速滾動選單都一樣冇殘影，相信用嚟打機，效果就會更加明顯喇。
Galaxy S20 Ultra 5G 用 S865 處理器配合 12GB Ram，預載 Android 10 配合 Samsung OneUI 2.1 介面。我都好欣賞 Samsung 喺 OneUI 所落嘅功夫，改良咗嘅分屏 split-Screen 功能，配合呢部機就相當流暢同實用！有時我哋打住短訊或者覆緊 Email，又想留意住最新嘅新聞直播，同一時間又要上網摷資料 Paste 番落去個 Email，S20 Ultra 5G 就可以一個畫面做晒，唔使好似傳統電話咁㩒嚟㩒去，而且仲非常流暢，真係要俾個 like 佢喇！
今次 Galaxy S20 Ultra 5G 仍然係配備咗超聲波屏下指紋辨識技術。經過咗舊年嘅保安事故之後，相信 Samsung 三星已經解決咗相關嘅保安問題，而辨識時間就更加比上一代稍快。
Galaxy S20 Ultra 5G 主打 1 億 800 萬像素嘅鏡頭，仲有 100 倍 Space Zoom，同埋特大光圈嘅夜拍技術，究竟效果有幾好？ 我哋下集再同大家測試！
《Z世代達人》
麥卓華
其他集數
未完約想升 5G？香港 3 大 5G 電訊商升級計劃率先睇！3香港 csl 1010 中國移動香港
電子領養動物點玩法？ 馬來西亞 Zoo Negara 新招助營運
Samsung Galaxy S20 Ultra 5G 開箱評測 Part 2: 100x Space Zoom + 1億800萬像素有幾靚！ 108MP 香港5G
5G 機皇 2020 三星 Samsung Galaxy S20 Ultra 開箱評測 Part 1 - 5G 流暢 介面驚喜！
5G 開台 CSL、3香港、中移動各區表現如何？全港首個 5G 大比拼！ Samsung Galaxy S20 Ultra 5G
5G 服務咁多嘢玩！VR 技術 24 bit 串流即時睇！ HKT 1010 csl 5G Galaxy S20 5G
5G 唔只得個快字！廣泛商業應用即刻試！HKT 1010 csl 5G應用 香港5G
iPad Pro 2020 疫市來襲！加入 Cursor 抽擊手提電腦？ 2018 年款用家換唔換得過？ iPadOS 13.4
