播出日期:7/7/2020
Wi-Fi 6 是近月科技產品的大熱，今日就同大家開箱 Linksys Velop MX-5300 同埋比較下Wi-Fi 5同Wi-Fi 6 嘅接收以及速度！市面上Netgear Orbi 對比 Linksys Velop MX-5300表現又係點？best wifi 6 router 2020
無論你要在家工作 Work From Home，定喺屋企煲劇打機，一個穩定嘅Wi-Fi網絡就一定唔少得喇！唔知你又知唔知，除咗寬頻網絡嘅質素之外，原來用乜嘢Router都對網絡表現有好大影響！今日就同大家睇吓！
Wi-Fi 6 其實係舊名 802.11ax 嘅新稱呼，不過對於一般用家來講，Wi-Fi 6 除咗提供更快嘅連接速度之外，穩定性、擴充性同埋支援嘅裝置數量，對比上一代都有大幅提昇！
俾我用少少時間講講Wi-Fi 6呢個技術先。都市人越嚟越多Device要Online，唔知你有無試過個Wi-Fi越用越慢？ 原來以前嘅Router只可以喺好短嘅時間入面續一同每個裝置連接，當連接裝置越多，大家都一齊有數據傳輸嘅時候，速度就會明顯慢咗，加埋自己屋企同埋隔籬鄰舍嘅Wi-Fi干擾，表現就一定唔理想。Wi-Fi 6 擁有 MU-MIMO技術，俾Router喺同時間同多個Wi-Fi裝置連接同埋傳輸數據，配合OFDMA技術，將傳輸嘅頻譜拆細，更有效善用頻寬，亦令到整個Wi-Fi環境更快更穩定，唔會出現「塞車」嘅情況。
聽完，都係唔多明？ 唔緊要！ 睇實例最實際！ 不如先睇睇支援 Wi-Fi 6 嘅 iPhone 11 Pro Max 分別用 Wi-Fi 5 同 Wi-Fi 6 Router嘅表現先！ 今次我揀咗單支裝、支援上一代 Wi-Fi 5 或者 AC 嘅 Linksys Triband Velop同埋最新支援Wi-Fi 6 嘅 MX5300 做呢個測試。 ......
首先試下喺 Router 附近… 雖然大家表現都唔錯， 但睇到連接支援 Wi-Fi 6 嘅 MX5300 嘅表現，相對只支援 Triband Velop，明顯快咗最少一半…
再試下喺遠啲嘅洗手間睇睇… Wi-Fi 6嘅表現仍然理想！但Wi-Fi 5 就好明顯有所減弱喇！
要用到Wi-Fi 6 當然就要有支援Wi-Fi 6嘅手機啦。除咗 iPhone 11系列同埋Samsung Galaxy S20 系列之外、原來呢啲電話都已經支援Wi-Fi 6喇！
你可能會話，都未有Wi-Fi 6 電話或者裝置，咁係唔係即係買Router就唔洗考慮Wi-Fi 6 呢？ 我只可以講，你無呢個急切性換Router，不過好快市面上嘅手機同埋裝置都會全面支援Wi-Fi 6，呢刻如果要換Router，就當然最好揀支援Wi-Fi 6嘅Router啦！
咁市面咁多唔同嘅Wi-Fi 6 Router，我哋又要點揀呢？ 之後再同大家做個詳細測試！記得留意！
