播出日期:4/2/2021
Thecoopidea 嘅產品設計一向都以簡約同埋清新見稱，今日就同大家介紹佢哋旗下三款無線耳機，包括 Beans Air，Beans Cargo 02 同埋 Beans Pro 2，一齊睇下！
頭先都講過，Thecoopidea 嘅耳機不嬲出名都係設計靚，富有時代感，今次呢3款亦都唔例外。首先我哋一齊睇下 Beans Air 同埋 Beans Cargo 02 先，佢哋兩款外形都可以話係相輔相成，一剛一柔。Beans Air 走嬌小迷人風格，而 Beans Cargo 02 就走軍事金屬風。呢兩款耳機上到手絕對唔浮誇，反而俾人一種日常，踏實嘅感覺，無論用咩色都容易襯衫。
而 Beans Pro 2 嘅外形就有少少唔同，採用咗長柄嘅設計，但絕對唔難 carry。佢嘅重量雖然比其他兩款重少少，但係戴落都冇乜太大分別。順帶一提，佢哋三款都有 IPX5 級防水級數，唔受汗水雨水影響，無論日常生活，定係戶外運動都無問題。
咁我哋先試下連接電話先，佢哋3隻都分別支援自動配對，耳機一離開充電盒就會自動啟動，連線配對，過程幾秒搞掂。佢哋亦好細心，知道大家可能要 work from home，所以三款都支援 MacOS 10 同 Windows 10 或者更高版本進行藍牙連接，配合視訊會議軟件使用。
音質方面，Beans Air 同埋 Cargo 02 採用 PU 複合 Peek 振膜動圈單元，喺低同高頻都有唔錯嘅表現。而 Beans Pro 2 就設有 10mm 鈦合金震膜動圈單元，低音強勁之餘，細節位都完全照顧得到，佢仲內置 ANC 主動降噪功能，只要輕按耳機表面，就可以切換主動降噪，一般播放同埋環境聲模式，三款模式嘅分別都幾明顯，用家可以根據唔同情況自己切換。另外，佢哋 3 款連線質素都算穩定，冇咩斷線或者唔穩定情況。
充電盒方面，Beans Air 充電盒重 28 克，拎落好輕，而 Cargo 02 充電盒雖然重少少，但佢嘅鋅合金製造外殼睇落真係幾型。而電量方面，Beans Air 同 Cargo 02 都可以連續播到 5 個鐘，連埋充電盒最長播放 30 個鐘。而 Beans Pro 2 就可以連續播放 4 個鐘，配合依個外形沉實低調嘅充電盒，最長播放 25 個鐘。
Beans Air 香港售價由 HK$399 起，有綠松綠、櫻花粉紅、灰色，甚至黑白大理石圖案選擇。Beans Cargo 02 就賣緊 HK$499，有橄欖綠，橙色同啞光黑 3 款顏色。最後 Beans Pro 2 賣緊 HK$699，有啞光黑，櫻花粉紅同橄欖綠 3 款顏色。
Thecoopidea 的 Beans Air 馬來西亞售價由 RM212 起，有綠松綠、櫻花粉紅、灰色，甚至黑白大理石圖案選擇。Beans Cargo 02 就售賣 RM265，有 橄欖綠，橙色 和啞 光黑 3款顏色。最後 Beans Pro 2 售賣 RM371，有啞光黑，櫻花粉紅和橄欖綠 3 款顏色。
其他集數
Mi 小米手錶運動版開箱評測 特強續航力 追蹤過百種運動功能 輕鬆監測即時身心狀況
2021電子利是大流行？派完有得現金回贈 即教你點派最著數
小米11 Mi11 國際版現身！三鏡頭配 5G 旗艦機
thecoopidea Beans無線耳機開箱評測！ Beans Air Beans Pro 2 Beans Cargo 02 型格又實用 總有款啱你！
POCO X3 NFC 評測 | 睇片影相打機樣樣精通
Samsung Galaxy A32 5G手機 | 二千價位配置 5G 四鏡頭 5,000mAh 電量
Belkin SOUNDFORM Freedom 真無線耳機 環境消噪 aptX 防水功能 樣樣齊備 支援 Apple Find My 功能
Garmin Venu SQ 開箱評測 全天侯健康體能運動偵測 支援最多室內外運動模式 高性價比智能手錶
