播出日期:9/2/2021
小米喺 2021 年 2 月 8 號晚舉行咗線上發佈會，公佈旗下最新旗艦機小米 11 嘅國際版，我哋一齊黎睇下！
小米 11 嘅國際版都係採用 5nm 製程生產嘅高通 Snapdragon 888 處理器，新增嘅 Arm Cortex-X1核心最高主頻可達 2.84GHz，整體 GPU 效能比上一代提升 25%。內存配置就有提升到 6400Mbps 速度嘅 LPDDR5，暫時係 Android 手機之中最快。螢幕上，小米 11 配備咗6.81 吋嘅 AMOLED 2K 螢幕，有 120Hz 嘅刷新率，同 480Hz 觸控採樣率，亮度可達 1500 nit。加上最新一代玻璃，抗跌性比上一代提升 1.5 倍，耐刮性亦提升 2 倍。
拍攝方面，小米11 國際版配備咗 2000 萬像素前置鏡頭。而後置鏡頭就有 1 億 8 百萬像素廣角主鏡頭，1300 萬像素 123 度超廣角鏡頭，同埋 500 萬像素 50mm 長焦微距鏡頭，無論影風景、人物或微距都十分出色，最高仲可以支援 8K 影片錄製。除此之外，佢有 6 款一鍵開啟嘅 AI 電影運鏡功能，例如「滑動變焦」、「平行夢境」等等，等用家可以拍出電影嘅感覺。而新升級嘅夜間模式採用 RAW 域降噪，令夜間拍攝更加明亮。
而小米方面將會於 2021 年第二季度推出 MIUI 12.5 更新，小米 11 將會係首批更新嘅小米手機。MIUI 12.5 嘅螢幕手勢操作上會比以往更加流暢，而系統使用介面將會改變，到時處理器使用率可以降低 22%，而功耗則就降低 15%。MIUI 12.5 仲可以俾用家移除新系統中嘅大多數應用程式，而少量存在於系統核心嘅應用程式就可以隱藏。
外觀上，小米 11 比上一代嘅變化算明顯，改用咗左上角開孔嘅四曲面螢幕，後置相機區就採用咗類似 iPhone 嘅圓角方形。成部機整體厚度只有 8.06mm，重 196g，非常之輕。而內置電量為 4,600mAH，支援 55W 有線同 50W 無線充電，全日開 5G 都夠晒用。另外，小米 11 亦都配備 Harman Kadon 調音嘅雙喇叭，一部機可以同時連接兩個藍牙音訊裝置，屏下指紋仲增加心率檢測功能，方便晒我哋留意自己嘅健康。
呢部機香港已經確定會推出，有 8GB Ram 加 128GB 或 256GB 內置儲存空間兩款，有 午夜灰 同 天際藍 兩款顏色選擇，歐洲售價分別為 749 歐元及 799 歐元。香港嘅銷售詳情會喺稍後公佈，價錢預計大約五至六千港幣。
其他集數
Logitech MX Anywhere 3 最強辦公室滑鼠Mouse 開箱評測！玻璃枱床面梳化一樣用到
Mi 小米手錶運動版開箱評測 特強續航力 追蹤過百種運動功能 輕鬆監測即時身心狀況
2021電子利是大流行？派完有得現金回贈 即教你點派最著數
小米11 Mi11 國際版現身！三鏡頭配 5G 旗艦機
thecoopidea Beans無線耳機開箱評測！ Beans Air Beans Pro 2 Beans Cargo 02 型格又實用 總有款啱你！
POCO X3 NFC 評測 | 睇片影相打機樣樣精通
Samsung Galaxy A32 5G手機 | 二千價位配置 5G 四鏡頭 5,000mAh 電量
Belkin SOUNDFORM Freedom 真無線耳機 環境消噪 aptX 防水功能 樣樣齊備 支援 Apple Find My 功能
