播出日期:3/3/2021
Jabra 嘅真無線藍牙耳機系列繼 75t 嘅成功之後，迎來各方面都更進一步嘅Jabra Elite 85t，不如就等我哋今日同大家做個開箱，一齊試下呢隻耳機啦！
呢隻 Jabra Elite 85t 雖然同同系 65t、75t 嘅外觀相似，但其實細節位都有唔少改良嘅地方，除咗半開放式設計外，佢嘅耳機機身都加長咗，耳塞位變成橢圓形，令使用者佩戴時更加貼耳同舒適，配合埋每邊耳機只有大約 7g 嘅重量，就算長時間戴住都唔會覺得重。包裝盒入面會提供唔同 Size 嘅耳塞，用家可以逐款嘗試睇吓邊款最適合自己，而且耳塞入面仲會有網格，可以防止污垢進入耳機內部，認真貼心。
Jabra Elite 85t 採用實體按鍵，左右耳機各一個制，分別透過單按、雙按同三按就可以控制到大部份功能，例如開關降噪及環境聲模式、上下一首歌曲、播放及暫停音樂等等。更加方便嘅係，用家只要利用 Andriod 同 IOS 都有Jabra Sound+ App，將耳機同電話配對，就可以自訂耳機嘅按鍵設定，配合返自己嘅使用習慣。
呢隻耳機採用咗 12mm 動圈單元，比上一代嘅 6mm 更大，試聽之下，整體聲音偏向柔和，低音明顯比較厚實，高中音清晰之餘不刺耳，而人聲同樂器聲都有層次分明嘅效果。如果想再調教唔同音色，用家亦都可以用 Sound+ App 去調較等化器，及使用 MySound 功能嚟調教適合自己嘅音色等等。
Jabra Elite 85t 配備咗自家嘅 Jabra Advanced ANC 晶片，原生已經內置主動式降噪，並唔使靠後期軟件更新加入，對比起上一代係一個好大嘅嘅進步位。每邊耳機會有各 3 組收音咪進行收音，再發出相應嘅消噪聲波，造成主動降噪效果。等我用個 App 調較下唔同嘅降噪等級先！喺我開滿降噪之下，效果的確好大分別，原本喺 office 聽到嘅打字聲、傾偈聲瞬間消失咁滯，而聽歌嘅音質亦都冇受影響，好滿意！
Jabra 亦都知道可能有用家唔鍾意完全隔絕外界聲音，所以喺 App 入面都可以調細降噪等級或轉換去環境聲模式，等用家可以聽歌同時，亦都留意到身邊嘅聲音，都相當細心。
再試埋通話質素先！雖然呢度地方都算嘈雜，不過一樣可以清晰聽到對方講啲咩，而對方亦都可以清晰聽到我嘅聲音，係咪好清楚?
電量方面，喺開啟主動降噪模式之下，差一次電可以用到大約五個半鐘，配合埋支援 QI 無線充電嘅充電盒，可以用大約 25 個鐘，日常生活絕對夠晒用。
Jabra Elite 85t 香港已經有售，官方建議零售價 HKD$1799，有鈦黑、霧黑、鉑金米、同石墨灰4隻色選擇。總括而言，呢隻耳機喺降噪功能、通話表現、同埋聽歌嘅音質方面都算唔錯，絕對對得住個價錢！
Jabra Elite 85t 馬來西亞已經有售，賣緊RM1049，有鈦黑、霧黑、鉑金米、同石墨灰4隻色選擇。總括而言，總括而言，呢隻耳機喺降噪功能、通話表現、同埋聽歌嘅音質方面都算唔錯，絕對對得住個價錢！
其他集數
OPPO Reno5 Pro 5G 開箱評測 超輕薄幻彩機身 搭載多項錄影拍攝功能 Netflix Amazon 高清播放認證
Redmi Note 10、Redmi Note 10S、Redmi Note 10 Pro、Redmi Note 10 5G登場 一片睇盡紅米note 10 新手機 發佈會懶人包
Jabra Evolve2 30 頭戴式耳機 | 內置高階數位晶片雙mic清晰收音 | Microsoft Teams 認證 辦公室/在家工作會議良品
Jabra Elite 85t 開箱評測 | 65t 75t 升級版 內置ANC主動降噪晶片 手機調控降噪及環境聲等級
鴻蒙 來了! 華為 Huawei Mate X2 摺疊形手機登場! 升級改用內摺疊設計 後置 Leica 四鏡頭 仲可以當前置鏡頭自拍
Redmi Note 9T 5G 手機開箱評測 | 入門價錢享有 5G 雙卡雙待 | 4800 萬像素鏡頭拍攝 4K 30fps 影片
Nokia 8.3 5G 開箱評測 | 蔡司四鏡頭拍攝4K 60fps H-Log影片 | Counterpoint最獲信任Android手機第一名
Logitech MX Anywhere 3 最強辦公室滑鼠Mouse 開箱評測！玻璃枱床面梳化一樣用到
