播出日期:12/3/2021

今日好高興嚟到 OPPO，試下呢部概念機 OPPO X 2021，望落去好似冇咩特別，等我變個魔術俾大家睇下，只要我用手指，喺機身旁邊輕輕掃一掃，畫面係會放大。

呢部 OPPO X 2021 採用高通嘅 Snapdragon 865+ 處理器，配備 8GB Ram + 128GB 嘅內置儲存空間，或 12GB Ram + 256GB 內置儲存空間兩個版本。佢嘅 OLED 柔性螢幕採用咗捲軸式設計，有別於主流嘅摺疊式設計，佢嘅特點在於螢幕上會較少摺痕，甚至睇唔到咁滯。只要喺機身右側嘅電源制向上掃一掃，6.7 吋嘅 16 : 10 螢幕，就會喺 3 至 4 秒內變成 7.4 吋嘅 4 : 3 螢幕，而向下掃就會變返原型。顯示緊嘅內容亦會隨著螢幕放大同縮細而自行調節，無論瀏覽網頁或睇片嘅時候都可以隨時調教，對於整個觀看體驗影響唔大，的確唔錯。

唔好以為螢幕做到捲軸，淨係對睇片有幫助，其實我們日常如果要處理文件的時候，功效可以更加大，有時候螢幕太細嚟睇活頁簿，你會見到成日都要捲嚟捲去，而家睇下，成個 Excel 出哂嚟，方便到極。

OPPO X 2021 嘅螢幕可以咁順暢咁放大縮細，背後就正正係歸功於 Warp Track 嘅技術，原理就好似坦克車嘅履帶一樣，透過內置喺機入面嘅雙摩打同滑輪運作，等屏幕可以順暢變形。官方表示，屏幕透過呢個技術可以承受超過 10 萬次嘅開合，十分耐用。

呢部電話嘅主鏡頭由一個 4800 萬像素廣角鏡頭，同兩個 TOF 3D 鏡頭組成，影相嘅時候，屏幕大細都會影響到相片效果，好似喺無開展螢幕下，直向內容會多啲，而當放大螢幕之後，橫向內容就會比較多，用家可以根據自己嘅喜好同需要選擇。

OPPO X 2021 雖然未有消息會量產，但係佢嘅嶄新設計應該會為手機市場帶嚟新嘅衝擊，大家可以拭目以待。

其他集數

Nokia 1.4 新款入門智能手機 極低價錢唔使$1000 小朋友 老人家 Second Phone 必用首選

iPhone方便隱藏功能你要知！教你免App免安裝 即轉PDF！

3香港 DIY儲值卡 $10/月 自助轉台 養號碼最正選擇 全年120GB 全速數據 每月只需 $22.5

播放中

[概念機率先試] OPPO X 2021 捲軸式手機評測 | OLED 柔性無痕螢幕 置入全新 Warp Track 捲軸技術 隨意調節手機尺寸 更高效率處理日常文件

OPPO Reno5 Pro 5G 開箱評測 超輕薄幻彩機身 搭載多項錄影拍攝功能 Netflix Amazon 高清播放認證

Redmi Note 10、Redmi Note 10S、Redmi Note 10 Pro、Redmi Note 10 5G登場 一片睇盡紅米note 10 新手機 發佈會懶人包

Jabra Evolve2 30 頭戴式耳機 | 內置高階數位晶片雙mic清晰收音 | Microsoft Teams 認證 辦公室/在家工作會議良品

Jabra Elite 85t 開箱評測 | 65t 75t 升級版 內置ANC主動降噪晶片 手機調控降噪及環境聲等級