播出日期:31/8/2021

滾呀滾…. 今日滾到嚟呢度食麻辣火鍋！
好食喎，估唔到係呢個味道喎，好食！我第一次咁樣食豬腰！ 
咁究竟豬腰要點食呀？

疫情回穩，大家又開始四出覓食喇！ 訂咗成個星期檯，終於俾我訂到呢間「渝味曉宇」重慶麻辣火鍋！重慶老火鍋係川渝地區漢族傳統美食之一，以麻辣為主。呢間「渝味曉宇」，由 1995 年嘅一間小店，發展到2012年成為重慶市民評選嘅五十大重慶火鍋品牌！我就當然要嚟試吓啦！

未食咁辣嘅麻辣火鍋之前，好貼心嘅，佢為我哋準備咗糖水，不過糖水唔知甜唔甜，飲完呢個糖水，幾辣都唔怕啦！

入到嚟用手機掃一掃個 QRCode 就可以開始點菜，好啦今日我就試吓呢個 #鴛鴦鍋 ，不過其實佢仲有一個 #特色九宮格鍋 㗎！ 呢度大部份食材都可以半份半份叫，價錢亦唔算貴。我本身就唔食牛，所以就點左啲豬同羊肉片，仲有好多林林總總嘅美食，係唔係睇到畫面都流晒口水呢！

呢度啲材料睇嚟好新鮮，呢個酥肉可以就咁食，好啦唔好講咁多，我都開始淥嚟食喇！放啲嘢落去先，嘩，睇嚟今餐又係一餐非常好食嘅邊爐火鍋！

我除咗點蔬菜籃之外，食重慶火鍋冇 #萵荀 又點得呢？萵筍口感一流，爽爽哋，有咬感之餘又有好香甜嘅鮮味，朔埋火鍋湯底嘅味道，真係超正！

好喇 食下啲鱔片先！鱔呢應該整十零廿秒就得，不過有啲地方啲鱔會「梅」，即管試吓呢度嘅鱔片得唔得先！食完鱔陣間都會試吓啲豬腰，因為呢度啲豬腰都好特別，頭先就有姐姐教我哋，豬腰熟左要落多少少嘢，不過賣個關子先。等我淥一淥啲鱔先……  其實佢一卷埋啲鱔基本上就已經可以，因為煮得太耐會「梅」晒好似魚片咁，好喇應該得喇！我今次就用芫荽皮蛋湯嗰邊，唔想食到咁辣，唔係聽朝返去冇聲做節目。好！即管試一試先吓！最後都係點咗辣….. 嘩 好爽呀 呢啲係咪叫做脆鱔呢？好食！ 同埋個鱔味好鮮！

荃灣店本身店面唔算大，不過服務就好好，無論要加湯定係有額外需要，服務員都隨傳隨到，坐位方面都算舒服㗎。

跟住就係個 #豬腰 ！頭先上呢個豬腰嘅時候有支牙籤，寫住 10 秒就 OK喇，我哋即管試吓係唔係 10 秒就 OK！不過豬嘅嘢我都唔係好敢，所以我擺 15 秒，好喇，拎番上嚟個豬腰睇到就好靚喇，不過呢，其實頭先佢哋上豬腰嘅時候，都教咗我哋用呢啲辣椒粉同埋呢一啲嘅蔥段，煮完再放落去，跟住食，睇落去好似好辣咁，好食喎，估唔到係呢個味道喎，好食！我第一次咁樣食豬腰！ 你都可以嚟試下！

對於我哋呢啲香港人來講，食完火鍋又點可以冇個公仔麵埋尾呢？其實晚市係唔提供公仔麵嘅，不過佢哋見我咁想食，都拎左啲午市嘅出前一丁嚟俾我應下急！嘩，呢啲火鍋精華煮過嘅麵，又點會唔好食呢？ 睇下我食到呢…唉…又肥多磅喇！

今晚食咗咁多嘢，買單大約 $740 左右，價錢同同類火鍋店差唔多！

渝味曉宇重慶老火鍋 (如心廣場)
荃灣楊屋道8號 如心廣場一期 3樓305號舖
電話號碼 : 29601588
Facebook : https://www.facebook.com/yuweixiaoyu

其他集數

鍋點 The pot spot | 新派中菜 掀起最新飲食潮流

[秋冬湯水] 素食湯水篇-合掌瓜栗子煲紅蘿蔔湯 潤肺潤喉 秋季滋潤必飲湯水

一幻拉麵 Ebisoba Ichigen | 濃郁甜蝦湯底 鑄成札幌名物 紅薑天婦羅 係乜東東?

播放中

[麻辣火鍋] 渝味曉宇 | 正宗重慶麻辣火鍋 嶄新10秒豬腰食法