播出日期:13/9/2021
有時同屋企人或者朋友慶祝，或者喺公司萬歲，以至要派散水餅，想搵間好食、款靚、仲要有外送服務嘅供應商都唔易。今日同大家介紹嘅 80s Catering 就推出咗手工蛋糕同散餅嘅訂購服務！今日就等我試下先！
嘩，平時喺蛋糕舖都買唔到咁多手製嘅甜品，喺我面前嘅就係今日要介紹嘅一系列甜品，一次過食晒睇嚟就好肥，不過呢，咁靚，第一時間要拎部手機影相打卡，影緊相嘅同時，我都覺得我要揀番一兩款試味嘅，好啦，今日我就即管試下呢個好特別嘅蘋果撻，Apple Crumble 本身嚟講大個嘅就食得多喇，細細個嘅 Apple Crumble 我都係第一次，即管試下先！個皮係脆嘅，一啲都唔「靭」，中間嘅蘋果肉非常非常之鮮，最重要一樣嘢，就係呢個甜品唔算太甜，唔好以為甜品一定要好甜先好食，而家個個都注重健康，呢一個甜度啱啱好，仲要帶出左蘋果嘅鮮味，好食。
要訂佢哋嘅蛋糕好方便，只要上 80s Catering嘅網頁，揀啱款同埋輸入數量，俾埋錢同埋預約送貨嘅時間，就好快有得嘆㗎喇！
我有衝動試多個撻，試埋個檸檬撻先。平時嘅檸檬撻我就怕酸，做得唔好嘅檸檬撻一定呃唔到你，我成塊面一定扭曲。試吓呢個先，樣就100分喇！喚 好香！ 佢有檸檬酸酸地嘅味道，食到個酸味明顯少少咁滲出來，個皮就同頭先嘅蘋果撻一樣，香脆鬆脆，好食！正呀！
除咗撻類之外，佢哋仲有好多款唔同嘅蛋糕，最緊要係全部都手工制，無論你鍾意食Mousse、定日式卷蛋、又或者芝士蛋糕，佢哋都有啱你嘅選擇㗎！
嚟到呢個時候不如食返啲甜啲嘅，呢個係 Dark Chocolate Mousse，食朱古力嘢就好容易知道佢嘅甜品造詣去到邊喇！試下先！味道有層次感，好好食，都係同頭先一樣，雖然佢全個用朱古力做，但係甜度唔係一味得個甜字，中間嘅Mousse同出面層皮好明顯係兩個層次，好食，每一款甜品可以咁樣單點，有時夜晚唔食飯，點晒啲甜品返嚟做個甜品放題，都未必唔係一個好嘅建議！
今年80s Catering 仲特別推出咗雜錦迷你月餅禮盒，淨係睇個包裝已經夠晒靚喇！入邊仲有四款味道，包括奶黃、芝士、伯爵茶、同埋近年最受歡迎嘅流心奶黃，一次過試晒唔同嘅口味，滿足晒你所有嘅願望！
80s Catering
官方網站 : https://www.80scatering.com
訂購 手工蛋糕及散餅 服務 : https://www.80scatering.com/categories/custom-birthday-cake-gift-cake
更多 到會套餐 訂購 : https://www.80scatering.com/categories/sets
花束/花類禮品 : https://www.80scatering.com/categories/flower
派對佈置用品 : https://www.80scatering.com/categories/party-decoration
