播出日期:23/8/2021
嘩！我第一次食酥皮嘅月餅… 皮薄、餡靚！好正！
話咁快又中秋節喇。Alfred就收到老字號恆香嘅邀請，同佢哋嘅副廠長蕭師父偷下師學整月餅，同埋睇下今年全新推出嘅產品。究竟整成點呢？ 睇睇就知啦！
今次整嘅就係近年大熱又成日都賣斷市嘅「流心奶黃月餅」喇！睇下蕭師父！三兩下手勢就已經分別將奶黃、流心同埋餅皮搓好晒… 跟住就到包月餅喇！ 可能你會話，點解會用個包字呢？ 原來整月餅都係好似包餃子咁，搓好個皮之後，就放入饀料，再一下一下搵手指搓到埋口，再放入月餅模入面… 搞掂喇！可以拎去焗喇！
好喇今日我哋好高興嚟到恆香呢度，睇完師傅點樣去造月餅之後，Alfred 今日都要自己試下做。不過我會唔會雞手鴨腳呢？就要做過先知喇！
其實蕭師父一早已經幫手整好晒餅皮同埋餡料，我都係跟翻佢教嘅方法「整餅」… 其實又… 點難到我呢？ 哈哈，睇下！有板有眼架！好喇，最緊張嘅時侯到喇… 聽下旁邊嘅朋友嘅評語先…
[好勁呀你… 呢個靚呀… 同師傅整出嚟那個…] 嘩… 好彩… 無出醜… [好勁喎]
小意思小意思！ 跟住就要拎去焗喇！ 我就整咗兩個… 好！出爐… 都收貨啦… 不過… 當然唔夠師傅整得靚啦！
原來今年恆香仲推出咗全新嘅酥皮月餅「酥小月」！「酥小月」有兩款，包括蛋黃蓮蓉酥小月同埋挑戰最高難度嘅流心奶黃酥小月，將流心奶黃餡料，加入鬆脆皮薄、層次輕巧的酥皮月餅之中，諗起都好流晒口水！蕭師傅仲即場整咗次俾我哋睇！睇下！ 無論賣相定切開都一樣咁正架！
好喇！試下我手上呢個恆香最新出口品嘅酥小月先！嘩！我第一次食酥皮嘅月餅… 皮薄、餡靚！好正！今日我就有幸可以率先試到喇！你都快啲去買喇！
