播出日期:17/1/2022
平時同大家介紹小米嘅手機就介紹得多，今日就想同大家睇吓小米另外一個非常重點開發嘅項目，就係智能家居嘅產品，一齊嚟睇睇。
等我哋首先開箱小米空氣淨化器 4 Pro。
相比起上一代，體積係大咗唔少。機身嘅頂部可以用螺絲批扭開嚟清潔，機身下面就可以打開嚟俾用家換濾芯，一個濾芯就足夠我哋用一年㗎喇!
嚟到機身嘅部分，4 Pro 採用咗觸控面板嘅控制同調較風速，當中亦都會顯示溫度、濕度同空氣質素依啲基本資料。
另外，佢仲有自動模式，自動評估空氣狀況而做調整。亦都有靜音模式，大大減低運作時候嘅聲音，咁就唔怕嘈住瞓教啦
一如以往，小米家品都可以連接米家 App，連接咗之後仲會有更加多嘅功能可以選擇，連接嘅方法非常簡單，只要㩒實機身後面嘅亮度制大約7秒，跟住聽到三下咇咇聲之後，用手機配對跟住連接 WiFi 就可以。要留意嘅係，WIFI暫時只支援 2.4GHz，如果你只係得 5GHz 嘅 Wifi 頻段，暫時就配對唔到小米家品㗎。
喺Apps到除咗可以遙距開關同埋設定風速之外，仲有Apps限定嘅負離子功能同兒童模式，將觸控面板上鎖就唔怕小朋友唔小心㩒到啦!
另一樣要介紹就係小米掃拖機器人 2 Pro。
從機頂去睇，只有兩個制，分別係開閂制同充電制。而要配對米家 App 嘅方法就係㩒住兩個制7秒鐘左右，連接嘅速度都相當快㗎。
相比起上一代，今次掃拖機器人吸力上升至 3000 Pa，而電量亦到增加到5200mAh，大大提升咗佢嘅續航力。另外，由我喺辦公室測試嘅片段都可以睇到，AI 識物、LDS 鐳射、再加 AI 雷達嘅組合，令到掃拖機器人有相當出色嘅避障功能，甚至係輕微嘅上落斜坡都難唔到佢。
只要打掃過一次，呢個機器人就會順便繪製埋地圖，用家之後可以了解打掃路線同時間，針對唔同區域進行調教，之後嘅日子就只要輕觸一按，就可以開始打掃，簡單丶方便丶快捷。
小米掃拖機器人 2 pro 有黑丶白兩隻顏色可以選擇，小米空氣淨化器 4 Pro 就只有白色嘅選擇。賣價方面，小米掃拖機器人 2 Pro賣緊港幣 $2299，而小米空氣淨化器 4 Pro 就賣緊港幣 $1899。
喺疫情之下，想搵啲小幫手清潔屋企嘅話，不妨考慮下佢哋啦!
其他集數
Samsung Galaxy S22 Ultra | 越戰越強Galaxy S旗艦手機 首次加入S Pen 用Note定係用Ultra?
紅米 Redmi Note 11 Pro 5G 國際版 | 1億像素 Samsung Sensor 鏡頭 雙卡雙待 5G 賣價大約 $2000 !?
Sudio T2 ANC 主動降噪 真無線藍牙耳機 開箱評測 | 快充降噪全面升級 全日聽歌聽電話無難度
小米智能家居 小米空氣淨化器 4 Pro + 小米掃拖機器人 2 Pro 開箱評測 | 防疫措施小幫手 家居清潔好輕鬆
Honor Magic V | 首部 Snapdragon 8 Gen 1 摺屏手機 2022摺屏手機最強指標
Samsung Galaxy S21 FE 5G | 輕旗艦 5G 雙卡雙待 120Hz + Galaxy 系列最快晶片 極速新體驗
AMAZFIT GTR 3 開箱評測 | 一鍵測量 測出心率血氧 大圓特亮錶面 20天長續航
Nokia T20 開箱評測 | 唔使$2000 高性價比2K螢幕平版電腦
