播出日期:8/3/2022
小米旗下嘅品牌 POCO 一直以外型潮加上性價比高見稱，佢哋啱啱就推出咗 POCO X4 Pro 5G全新手機！ 雖然出面未有貨，但我已經有一部起手喇！一齊同大家睇吓！
首先睇睇外型，POCO X4 Pro 5G 一改以往嘅圓邊設計，改用咗類似iPhone12同13系列嘅起角邊，除咗有新鮮感之外，攞起手嘅手感就更加實在，絕對有耳目一新嘅感覺。手機配備咗 6.67寸 解像度達 2400 x 1800 FHD+ AMOLED 屏幕，亦用上咗高通嘅 Snapdragon 695 處理器，屏幕更新率達到 120Hz，觸控採樣率亦有 360Hz，無論係部機嘅反應、視覺上嘅享受都完全照顧周到。
呢部機嘅指紋辨識結合左喺右側開關掣上，部機亦都支援3.5mm音訊插頭，喺中高階機上算係罕見。呢部機亦支援NFC，支援Google Pay，亦有紅外線支援，不過可惜Wi-Fi只支援 Wi-Fi 5，亦即係 802.11ac 制式，未支援到 Wi-Fi6，有點可惜。
POCO X4 Pro 5G 支援雙5G，卡槽支援兩張SIM卡或者1張Sim加1張SD Card，可以按返你嘅實際需要而決定。好喇！ 睇睇5G嘅表面先，室內接收5G都有呢個表現，效果都算唔錯㗎！
POCO X4 Pro 5G 無論開網頁、睇片定係轉換唔同嘅應用程式，反應都相當之快，就算睇有幾行走馬燈嘅新聞片段，由於規格強同埋屏幕更新率高嘅關係，畫面一樣相當流暢！
拍攝方面，POCO X4 Pro 5G 後置咗分別1億800萬像素嘅主鏡、800萬像素超廣角鏡、同埋200萬像素微距鏡頭。不過留意嘅係， 要用上1億800萬像素，要喺更多或者專業模式入邊先揀到，我試過要來影相，所需要嘅儲存時間同平時差唔多，如果打算張相有機會放大使用，呢個模式就幫到你喇！咁究竟影出嚟係咩樣呢？我哋可以放大黎睇，清楚可以見到見到細節位㗎！
我亦都試咗以微距模式影下你棵花，大家亦都可以一齊睇睇效果喇！
前置鏡頭方面亦都有驚喜，POCO X4 Pro 5G 配置咗 1600萬像素嘅自拍鏡，自拍又或者Zoom Meeting時影住自己都唔會懵查查啦！
電量方面，POCO X4 Pro 5G 配置咗5000mAh嘅電力，足夠用到1-2日，如果配合賣指定嘅充電器，仲可以達到67W嘅有線快速充電！我就只係用咗一般支援PD3.0 嘅插頭試吓叉呢部機，又接近冇電到接近充滿，我就大約用咗1小時40分鐘。
顏色方面，POCO X4 Pro除咗我手上嘅雷射黑之外，亦有雷射藍色選擇，香港將會推出 8GB+256GB 嘅版本，賣價都係HK$2499，絕對係
！
其他集數
紅米 Redmi Note11S 5G 開箱 | 唔洗二千 超高性價比之選 | 大電 AI相機 性能效果強勁
紅米Note11Pro+5G開箱 片尾有彩蛋 家燕姐生日現真身！
直擊小米12系列發佈會 獨家測評 小米12 pro 小米12 小米12x
POCO X4 Pro 5G 手機評測 特強配置 性價比首選
Samsung Galaxy Tab S8 5G 手機平板同步升級 Ultra配置巨大14.6吋屏幕
Samsung Galaxy S22 / S22+ Ultra多支S Pan又太大部? 不如揀部啱用仲好!
Samsung Galaxy S22 Ultra | 越戰越強Galaxy S旗艦手機 首次加入S Pen 用Note定係用Ultra?
紅米 Redmi Note 11 Pro 5G 國際版 | 1億像素 Samsung Sensor 鏡頭 雙卡雙待 5G 賣價大約 $2000 !?
