播出日期:30/3/2022
小米旗下嘅紅米啱先就推出咗 Redmi Note 11 Pro 系列手機，而其中最亮眼嘅就係 Redmi Note 11 Pro+ 5G 喇！ 呢部紅米手機可以話係呢個品牌推出以來最高階嘅一部，究竟有啲乜嘢過人之處？實機已經嚟到我手喇！即刻同大家做個開箱！
同之前 POCO X4 Pro 一樣，今次 Redmi 紅米喺外型上，都改用咗方邊設計，不過角位就比較Poco X4 Pro圓，外型同拎上手嘅手感都唔錯。呢部機配置咗6.67寸 FHD+ AMOLED 開控屏幕，屏幕更新率以及觸控採樣率分別達到 120Hz 同 360Hz 嘅高階水平，無論喺好光嘅環境，定係一般使用，顯示嘅效果都相當唔錯。 SIM卡方面採用咗 3揀2 嘅雙卡設計，支援外置記憶卡，又或者兩張5G嘅SIM卡。另外，呢部機亦都保留咗 3.5mm 音訊插頭同埋紅外線位，加埋充電同埋傳輸用嘅USB-C插頭同埋支援NFC，Port 位可謂相當齊全。值得一提嘅係，Redmi Note11 Pro+ 5G 同 JBL合作，喇叭出嚟嘅音效有一定嘅質素㗎！
處理器方面就用咗 MediaTek Dimensity 920，雖然唔係高通嘅處理器，不過外界嘅口碑都唔錯，一齊嚟試吓呢部機嘅表現啦！係一般情況嘅操作之下，部機好暢順！好喇，要試試睇片嘅表現先，處理比較複雜嘅片段，甚至串流新聞，都相當順暢同埋清晰。
呢部機嘅兩張 SIM 卡都支援 5G 接駁，Wi-Fi方面亦都支援 Wi-Fi 6 嘅連線，試一 試起室外連接 5G 訊號嘅表現喇！
相機亦都係呢部機嘅一大賣點，Redmi Note 11 Pro+ 5G 後置咗 1億 800 萬像素嘅主鏡、8 百萬像素嘅超廣角鏡同埋200萬像素嘅微距鏡頭，另外亦都有一個 1 千 6 百萬像素嘅前置鏡頭。
咁難得喺疫情期間嚟到室外，我就梗係要用呢部機試吓影相！不過喺試影相之前，其實你而家聽到嘅聲音，我都係用呢一部 Redmi Note 11 Pro+ 5G 嚟收音，疫情期間大家都好少出外，今日咁難得出到嚟戶外，咁就梗係要試吓我手上面，呢一部 Redmi Note 11 Pro+ 5G。
當冇做任何設定嘅時候，Redmi Note 11 Pro+ 5G 會用 1200 萬像素去影相，不過我哋可以手動啟動 1 億 800 萬像素嘅影相模式，等我影幾張俾大家睇吓！放大張相，細節位都唔錯㗎！
影完相，行下行下，點解前面咁多人？ 等我搵呢部 Redmi Note 11 Pro+ 5G 拍個片先！ 嘩，原來今日係家燕姐生日！家燕嫲嫲生日快樂！ 噫，條片又真係拍得幾靚呀！
Redmi Note11 Pro+ 5G 一共提供三種顏色可以選擇，包括石墨灰、森林綠、同埋星空藍。售價方面就係港幣$3299。4月6號開始正式發售！
其他集數
SOUL S-STORM MAX 防水藍牙喇叭 開箱全面評測
小米 POCO F4 GT 旗艦電競手機 發佈會現場評測
紅米 Redmi Note11S 5G 開箱 | 唔洗二千 超高性價比之選 | 大電 AI相機 性能效果強勁
紅米Note11Pro+5G開箱 片尾有彩蛋 家燕姐生日現真身！
直擊小米12系列發佈會 獨家測評 小米12 pro 小米12 小米12x
POCO X4 Pro 5G 手機評測 特強配置 性價比首選
Samsung Galaxy Tab S8 5G 手機平板同步升級 Ultra配置巨大14.6吋屏幕
Samsung Galaxy S22 / S22+ Ultra多支S Pan又太大部? 不如揀部啱用仲好!
