播出日期:4/7/2022
小米嘅家品同手機就為人熟識，就算未用過都一定聽過佢哋個大名，依家仲踏入埋運動用品嘅範疇，出咗筋膜按摩槍，今日就同大家開箱睇下啦！
一打開個盒可以見到一個小米筋膜按摩槍嘅收納盒，質料摸上去都幾硬正，同時都方便將按摩槍攜帶出街。
打開咗個盒就可以發現三個可替換嘅按摩槍頭、分嘢係圓型頭、錐形頭、同扁平頭，另外仲有 按摩槍、充電插頭，一條Type C 充電線、同埋說明書。
今次小米筋膜按摩槍用上咗可以高轉速高扭矩嘅無刷摩打，最大可以產生 570mN* 的澎湃動力，加上三種速度模式，最高可以達到 3,200 rpm 嘅震動頻率，有效穿透深達 10 毫米的深層肌肉組織，幫你迅速放鬆緊繃肌肉，深度鬆解筋膜，紓緩運動過後嘅肌肉痠痛。。再加上智能控制力度功能，就算係咩環境之下，都可以調整到相同嘅輸出力度， 咁就唔怕時大時細咁唔舒服啦。
手上面依支小米筋膜按摩槍睇落去呢有啲似個風筒咁呀，不過呢其實都算輕身，有啲朋友可能會話啦，矣，更輕嘅我都見過，不過呢又咁講喎，輕得濟呢，你按摩落你個身同體嘅時候呢，你會發覺唔係好夠力㗎，哩一支就應該夠力，不過都等我試下先，長㩒住個開關製呢，好啦，搞掂!我哋試下兩度力睇下先，嗯，都舒服㗎喎!嗱，依家我用緊呢一個就係圓型嘅按摩頭，主要呢就係負責比較大嘅肌肉，其實佢都跟多咗兩個唔同嘅按摩頭㗎，即係加埋呢一共有三個，究竟呢啲按摩頭有啲咩用㗎呢?
除咗啱啱提及嘅圓型頭係用嚟按摩手臂、腰背、臀部、大腿和小腿等大肌肉群之外，扁平頭就啱用嚟放鬆唔同嘅肌肉，而最後嘅錐形頭就啱按摩深層嘅組織，包括經絡、手掌同足底。而更換按摩頭嘅方法都好簡單，只需要輕輕按壓，將黑線近至更換頭槍嘴嘅位置就可以㗎啦！
另外，小米筋膜按摩槍配有降噪技術，就算係邊一個模式下，都一樣咁靜，嗯~ 相當唔錯。
機身嘅後方有Type C 充電口，2600mAh嘅大電池，只需要充電一次，就可連續使用5個鐘，絕對夠晒日常使用。而機身前端就有一個隱藏式進出風口，可以防止汗水進入導致短路故障嘅問題，再加上各種嘅安全保護機制，包括短路、過熱、堵轉保護等，而當中嘅10 分鐘自動關機保護亦都相當貼心，咁就唔使驚按摩途中瞓著咗會有意外發生啦！
小米筋膜按摩槍 暫時只提供黑隻色一種顏色。
官方定價為港幣$759。
成日做運動搞到肌肉酸痛嘅你，不妨買翻支旁下身啦!
其他集數
小米全新智能家居用品 打入寵物用品市場
Samsung Galaxy A53 5G 開箱評測 | 中階實用5G手機
XiaoMi 12S Ultra | Lecia 認證 超強影像旗艦手機 硬撼iPhone
Xiaomi 小米 筋膜按摩槍 開箱 | 鬆解深層肌肉痠痛 智能控制力度
迪比亞 DBA DEBI003A-H 智能冷風機 | 潮濕夏季 為清爽Office做好準備
Nokia G21 開箱評測 | 罕有keep住3.5mm 插孔 + 外置 SD Card
Amazfit T-Rex 2 發佈會現場即試 留意片尾有優惠
中移4G MySIM $33送30日50GB vs SoSIM $50 送無限影視數據 邊張最抵玩?
