Z世代達人

播出日期:7/7/2022

小米除咗係手機市場有新嘅突破之外,佢哋亦都緊貼智能家居領域嘅潮流,研發出唔同創新產品,打造全新生產鏈,今日就同大家睇下啦!

依部Xiaomi 高溫無線洗地機 W10 Ultra 只需要㩒一個製,就可以加熱清水至75度,續航力長達 35 分鐘,你間屋有幾大都唔駛擔心! 另外佢仲支援智能語音提示功能,開機都只需要講一聲就可以,真真正正做到懶住咁清潔啦!

跟住落嚟就要介紹就係呢部掃拖機器人 X10+,比起上一代,係各方面都有所升級,今次佢哋將污水箱、清水箱、塵袋三合為一,同時設置係清潔艙內,令到掃拖機器人 集齊 清潔、吸拖、清洗拖布、烘乾等嘅功能於一身,係閒置期間,清潔艙亦會自動將塵盒嘅塵,吸入塵袋入面,最長可以做到30日先清理添,配合埋手機應用程式 米家App,只需要㩒一個掣,掃拖機器人 X10+ 就會自動掃拖,聰明嘅佢仲scan到周圍環境變成一幅3D地圖,之後你想佢拖邊度,只要㩒一㩒個app就搞掂哂喇!

另外,今次小米都打入寵物用品市場,推出咗Xiaomi 智能寵物餵食器 同 Xiaomi 智能寵物飲水機 兩個產品。

Xiaomi 智能寵物餵食器只需要通過連接米家APP,就可以做到遙距控制,定時定量咁自動餵你嘅寵物食嘢,如果有缺糧或者其他嘅問題,機身嘅指示燈和同米家APP都會同時提醒,做到雙重保障。 

至於 Xiaomi 智能寵物飲水機嘅水箱用量達到2L,可以滿足一隻成年貓大約4-7日嘅用水量,作為主人嘅你,就可以放心將寵物餵食問題交俾小米啦!

售價方面
Xiaomi 高溫無線洗地機 W10 Ultra 就賣港幣$4,999
Xiaomi 掃拖機器人 X10+ 就賣港幣$5,999
兩款家居清潔用品將會係7月7日正式發售,
而Xiaomi 智能寵物餵食器 同 Xiaomi 智能寵物飲水機 就會遲一個星期發售,即係7月14日正式發售,售價就將會係港幣$699 同 $369。
如果你係喺7月31日前購買以上嘅任何產品仲可以享有早鳥優惠折扣添,詳情可以上翻小米官網睇下喎!

追蹤我們
公司殊榮
Copyright Claims
Copyright Claims