播出日期:19/7/2022
大熱天時出去出邊做嘢，當然想有部冷氣可以跟身啦。以前或者就係夢想，但睇嚟依家就夢想成真啦!
因為依家係市面上已經推出咗唔同嘅流動掛頸冷風機，今日就同大家開箱 依部Torras 嘅 Coolify 2 掛頸式冷暖氣機。
Coolify 2 有黑同白兩隻顏色，今日就先同大家睇下黑色嘅版本先啦。
一打開個盒，可以見到裝住 Coolify 2 黑色半透明嘅保護盒，摸上手非常實正，保護性相當唔錯!
盒內除咗 Coolify 2 外都會附有一條原廠Type C充電線。
Coolify 2 採用馬蹄型嘅掛頸式設計，出風位就係兩側上方，而左右兩邊各有一粒按鈕，機身內側嘅智能冷片相比上一代都有所加長。
至於重量方面，官方指機身重368g，原本以為都會幾重，但拎上手又唔係喎，以一部流動冷風機嚟講都幾輕身喎，就算掛係條頸到，都唔會係一個負擔。
Coolify 2 有三種模式 同 三段風速，而機身屏幕都會顯示相應嘅數字同字母，分別係F字嘅風扇模式、C字嘅冷風模式 同 H字嘅加熱模式，加上採用咗Ku 2.0 晶片環繞式冷卻，提升高達 7 倍嘅冷卻性能。
三種模式都可以係未開機嘅時侯通過按鍵嚟調較，相當貼心!
雖然有人會應為係有冷風模式嘅情況下，點解要用風扇模式，其實都有原因嘅， 因為係冷風模式下，Coolify 2 嘅續航力只有2.5個鐘，但係風扇模式之下就可以運作長達18個鐘，想享受耐啲就記得唔好長開住個冷風模式啦!
好多人都會以為依類嘅冷風機要用好多電之餘，叉電又煩，但其實佢叉電都只係用Type C線，4,000mAh 嘅電量亦只需要3個鐘就可以充到100%，咁就唔怕無電又要趕住出街無得用啦!
Coolify 2 嘅官方售價就係港幣 $1398，唔想出街流晒汗嘅話，不妨買部冷風機用下!
其他集數
Jabra PanaCast 50會議室系統 x Lenovo ThinkSmart Core解決方案 正式發售
Redmi 10 5G 香港開箱！ 高性價比5G機 Port齊真三卡90Hz屏幕 性價比之選
POCO F4 GT 電競手機 開箱實測 | 自訂彈出式 LR 掣 + 智能快充 高性價比電競良伴
消暑神器! TORRAS Coolify 2 掛頸式冷氣機 戶外實測
HONOR X7 開箱評測 | 低價位玩四鏡頭 備用機首選
小米12 Lite 實機評測 | 平玩1億像素主鏡+前置柔光燈
小米全新智能家居用品 打入寵物用品市場
Samsung Galaxy A53 5G 開箱評測 | 中階實用5G手機
