播出日期:10/2/2023
又黎到Z世代達人嘅時間啦，成日同蔡司鏡頭合作嘅vivo，最近推出左新嘅旗艦機X90 Pro。X90 Pro無論喺性能、相機、屏幕嘅配置都有大大嘅升級，今日我地就一齊開箱睇睇啊
X90 Pro嘅包裝盒外觀整得一啲都唔馬虎。暗黑色嘅包裝外盒，比人有一種高貴、雅氣嘅感覺。
一打開盒就會見到X90 Pro嘅主機，盒底就會有一條充電線，一個120W嘅充電器，同埋一個電話殼，最後就會有一本說明書
一拎上手嘅手感好好、一啲都唔𠝹手。手機嘅屏幕採用左曲面屏幕，機底下邊就會有插SIM卡嘅位置、USB-TYPE-C嘅充電插口位，同埋一個喇叭。而機身上邊就會有一個收音Mic
X90 Pro嘅機背材料採用左素皮革，外觀睇落去同一般嘅皮革質地相差無異，而摸落去嘅手感，更加同真嘅皮革無分別啊。
機背嘅素皮革外觀，再配合特大嘅圓形拍攝鏡頭設計，拎上手影相嘅時候，比人個感覺真係好似拎住一部專業嘅相機去影相架
跟住簡單講一講Vivo X90 Pro嘅基本配置，X90 Pro 屏幕採用左6.78吋 FHD+ 2800x1260解析度嘅AMOLED屏幕，仲支援120HZ更新率。
全機身都有IP68防水防塵級別。仲有4870mAH嘅電池，支援有線120W嘅快充，同埋無線50W嘅快充。
性能方面就有自家研發嘅V2晶片同埋聯發科技嘅天璣9200雙晶片系統。
相信有留意開電話嘅朋友，都知道以前天璣晶片有唔小嘅爭議，但今次我用X90 Pro呢部電話嘅時候，無論上網、睇片，定係打機都好，感覺好流暢，完全唔會Lag機，配合埋以Android系統開發嘅Funtouch OS，整體個體驗係非常好嘅。
之後就睇下X90 Pro主打嘅影相功能啦，X90 Pro 會有三組Zeiss認證嘅鏡頭，首先係5000萬像素嘅主鏡頭，配備1吋IMX989感光元件、F1.75大光圈，支援OIS光學防手震功能。
之後會有1200萬像素嘅廣角鏡頭同埋5000萬像素嘅人像鏡頭，而人像鏡頭同時亦都支援OIS光學防手震功能架~
講左咁多，現在我就試下影相效果比大家睇睇先
有1吋IMX989 感光元件同埋F1.75大光圈嘅加持下，主鏡頭好容易就影到一般相機影唔到嘅景深效果
而X90 Pro嘅廣角鏡頭相比係普通手機嘅廣角鏡頭，整體感覺會自然好多，唔會有「魚眼」嘅效果出現
手機入邊更設有蔡司顏色效果模式，等我又試下有咩分別比大家睇睇，可以見到喺蔡司顏色嘅模式下，相片整體嘅顏色會更貼近自然色，色彩嘅飽和度同埋對比度就會比預設嘅色彩模式低啲。
而X90 Pro相機另一個賣點就係夜景系統，等我又試試效果比大家睇睇先
可以見到影出黎嘅效果真係唔錯啵，配合埋V2嘅AI晶片運算，係低光嘅環境下顯示出黎嘅細節位都好足夠，而且影夜晚天空嘅時候，影出黎效果都非常好
總括黎講，Vivo X90 Pro 無論係屏幕、性能同埋影相方面都對得住佢旗鑑機嘅稱呼，今次Vivo X90 Pro 會推出12GB RAM 256GB內存一個版本，顏色方面就會有傳奇黑，有興趣嘅朋友可以到Vivo官方網站了解清楚~
希望你鍾意Alfred今次嘅介紹啦，記得訂閱加Like我地 Meeeepmore 嘅 Youtube Channel 同埋 Facebook 專頁，我地下次再見～拜拜
其他集數
【旅行工幹充電首選】多國通用快速充電插座 持續殺菌的充電線 丨 Direach 65W GaN 氮化鎵快速充電器 銀離子抗菌充電線
【S23 Ultra 真實評測】獲一致好評的頂級Samsung旗艦機 Samsung Galaxy S23 Ultra
【輕巧按摩槍】輕巧便攜又不失力度的按摩槍 ELEEELS P2
【vivo X90 Pro開箱評測】旗艦級雙晶片 丨蔡司認證鏡頭 近年旗艦級電話相機巔峰 vivo X90 Pro
【POCO X5 5G評測】3分鐘終極懶人包 最強性價比中階機 一億像素鏡頭 丨 POCO X5 5G POCO X5 5G Pro
【Samsung Galaxy S23評測】5分鐘終極懶人包 超強兩億像素拍攝主鏡頭 夜間人像拍攝模式 丨三星Samung S23
唐樓村屋上網必備 唔洗穿牆拉線都享有5G既速度? 丨 5G SIM卡 上網慢的救星 OPPO 5G CPE T2 路由器
隨時隨地夜拍街拍無難度 中階機夜拍最佳選擇｜兼具兩種夜拍模式+OIS 光學防手震功能 Nokia X30 5G
