播出日期:17/5/2023
又黎到Z世代達人嘅時間啦~ Samsung近日就舉辦左2023產品系列發佈會，宣佈2023年Samsung 電視系列會有突破性嘅發展之外，升級左嘅SmartThings技術，仲可以無縫連接多個家居裝置添
今日就同大家睇睇呢個發佈會究竟帶左啲咩野驚喜比我地啦~
今年Samsung Neo QLED 以及 Samsung OLED屏幕都會採用 獨有嘅量子點技術，即使畫面喺比較明亮情況下，電視入邊嘅顏色亦都唔會褪色。
而量子點技術仲可以令屏幕擁有近乎無限嘅對比度，配合埋「AI高解像度提升技術」透過深度學習演算法實時提升每個畫面細節，令到喺屋企都有睇電影嘅感覺。
除此之外，Samsung亦都為會鍾意打機嘅朋友添加左唔小方便嘅功能。就好似打機嘅時侯，有時會覺得係界面角落頭嘅小地圖會太細粒好難睇。
而今次Samsung添加左小地圖放大功能，方便番各位成日打機嘅朋友，唔洗因為睇Mini Map睇到眼都殘埋。
成個發佈會主打嘅SmartThings智能家居，主辦方好貼心咁邀請一個Model親自為大家模擬岩岩放工番屋企，體驗成個智能家居嘅流程。
宣方亦都宣稱，只要一部手機就可以開啟整個智能家居嘅journey，現在我地又一齊睇睇啊~
岩岩放工番到屋企，只要喺門口按一按開關掣，全屋嘅燈就會自動著哂
番到屋企風塵僕僕，首先當然要將自己身上嘅衣物清理乾淨，SmartThings嘅智能家居就可以做到只要將外套放入 Samsung AI智能魔衣櫥入邊，就可以將外套自動消毒，拎番出黎甚至會有乾洗效果添
當魔衣櫥入邊嘅衣服清理乾淨之後，手機上或者電視都會有一個簡單嘅Pop-UP message，真係好方便架~
番到屋企想睇電視嘅話，只要喺電話選擇睇電視模式，就可以令到Samsung嘅智能電視自動播放電視頻道，而且屋內嘅燈光仲會識得自動變暗、甚至冷氣都會自動調節適合睇電視溫度
番到屋企想伸展下根骨，做一做運動? 當然都無問題啦，只要喺智能手錶上邊輕輕一掃，SmartThings智能家居就會開始執行做運動模式。
只要帶住智能手錶，企喺 Samsung The Sero 旋轉電視面前，旋轉電視就會自動轉方向，旋轉電視嘅右下角仲會顯示心跳等等嘅資訊添，方便監測做緊運動嘅時候身體狀況啊麻
除左SmartThings智能家居之外，發佈會亦都展出左BESPOKE 旋風吸塵機等等嘅產品，有興趣嘅朋友可以到Samsung官網了解詳情~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【Honor Magic VS評測】開創摺疊式手機新時代 丨超強性能 續航力 丨魯班零齒輪鉸鏈技術丨萊茵摺疊測試 丨Honor Magic VS
【Note 12 Pro+ 5G評測】中階機相機皇者 破格兩億像素主鏡頭 丨重新定義中階機相機規格 Note 12 Pro+ 5G
【Samsung A34評測】2023學生手機首選 丨高性價比三星手機 Samsung Galaxy A34
【Samsung 2023 產品發佈會】AI頂級智能家居SmartThings 丨嶄新屏幕技術 Samsung SmartThings Neo QLED
【POCO F5評測】2023最高性價比手機降臨丨超低價享受準旗鑑級手機配置 丨 POCO F5
【小米13 Ultra 懶人包】小米最新旗鑑機 丨全焦段 Leica 光學四鏡頭 丨 Xiaomi 13 Ultra
【Honor Magic 5 Pro評測】罕見三組高像素鏡頭 丨驚豔的遠攝長焦鏡頭丨 Hornor Magic 5 Pro
【Galaxy A54評測】Sasumg A系列最新成員 丨親民價錢性能兩兼顧 丨Samsung Galaxy A54
