播出日期:6/4/2023
又黎到Z世代達人嘅時間啦，主打親民價錢嘅Samsung A系列，近日就推出左兩個新成員，分別係Galaxy A54以及Galaxy A34
今日喺我手上嘅就有Galaxy A54，等我地一齊睇睇呢部手機帶左啲咩驚喜比我地啦
Galaxy A54採用左簡約而美觀Samsung電話外形，A54一拎上感覺唔太重，機身兩側都好光滑，完全無𠝹手嘅感覺。而機背破璃材質嘅設計更令到成部電話都唔會冼手添
屏幕方面，Galaxy A54設有6.4吋 infinity-O Super AMOLED屏幕，支援120HZ屏幕刷新率。
中階機定位嘅Galaxy A54都有120HZ屏幕刷新率，我覺得又唔錯啵，而且由於採用 infinity-O屏幕嘅關係。Galaxy A54喺室外屏幕表面亦都相當唔錯，日光底下嘅屏幕可視性都好高。
Galaxy A54機身設有IP67等級防塵防水，咁就唔洗成日驚部電話濕水啦
有別於之前嘅Samsung中階機，中階機定位嘅Galaxy A54首次加入 Samsung Wallet系統，除左支援八達通，信用卡之外。
亦都可以加入登機證、會員卡同埋優惠卷等等，之後日常生活需要比錢，甚至去旅行要登機嘅時候，只要拎部電話出黎就搞掂，真係好方便架
電池方面，Galaxy A54就設有5000mAH大電池，支援25W有線快速充電。
而Galaxy A54處理核心就採用左三星Exynos 1380 Octa-core。
咁究竟 Galaxy A54性能表現又係點樣呢? 現在就即刻試比大家睇睇
首先係上網方面，Galaxy A54 一下就Load到成個網頁嘅資訊出黎，而且上下滑動網頁都係流暢嘅，唔會有Lag機情況出現。
而睇片方面，整體睇Youtube片嘅體驗都非常流暢，無論係用2K畫質去播放，或者不斷跳去某個時間點，通通都無問題啊。 配合埋Galaxy A54 內置嘅DOLBY ATMOS技術，整個睇片體驗真係唔錯。
而播帶有走馬燈嘅新聞片，走馬燈亦都無疾格，同埋Lag嘅情況出現，過關啦
打機方面，我亦都試左兩隻畫面運算比較複雜嘅槍GAME同埋賽車GAME。賽車GAME整體運作都好流暢，唔需要調教咩野配置，亦都好順暢咁玩，比較小有Lag機嘅情況出現。
而槍Game同樣都唔需要調低配置都可以順暢咁玩，Lag機嘅情況同樣都比較小見。
整體黎講，無論喺打機、上網呢兩方面，Galaxy A54而中階機定位黎講，可以話合格有餘啊，完全對得住佢中階機嘅定位
最後喺相機方面，A54設有三組鏡頭，分別係5000萬像素嘅主鏡頭，1200萬像素嘅超廣角鏡頭，以及500萬像素嘅微距鏡頭
咁Galaxy A54嘅相機表現又係點樣呢?
主鏡頭方面，Galaxy A54影出黎嘅相，無論喺細節保留度，色彩飽和度，同埋對比度，都有唔錯嘅表現。
張相放大左之後嘅邊緣虛化，同埋雜訊處理，對一部中階機黎講，我又收貨啵，等我試多幾張比大家睇睇~
微距拍攝方面，由於Galaxy A54嘅微距鏡頭設有F.24大光圈，所以好易就影到景深或者散景嘅效果。
而相片嘅細節保留度，色彩表面亦都相當唔錯架~
廣角鏡頭方面，影出黎嘅相都好自然，唔會有魚眼嘅效果出現，收貨啦
最後喺夜拍方面，影出黎嘅相片光度都好足夠，細節保留度亦都唔差，而物件邊緣嘅虛化程度，同埋雜訊處理呢兩方面，就中規中距啦
Galaxy A54綜合各方面，都表現出對得住佢嘅價位，好適合學生哥或者想要另一部副手機嘅人士購買。
Galaxy A54提供四種顏色，分別係琉璃紫、琉璃青、琉璃白以及琉璃黑，版本就會有8GB RAM + 256GB ROM一個版本，定價就係HKD$3998
有興趣嘅朋友可以去Samsung 官方網站了解詳情~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【POCO F5評測】2023最高性價比手機降臨丨超低價享受準旗鑑級手機配置 丨 POCO F5
【小米13 Ultra 懶人包】小米最新旗鑑機 丨全焦段 Leica 光學四鏡頭 丨 Xiaomi 13 Ultra
【Honor Magic 5 Pro評測】罕見三組高像素鏡頭 丨驚豔的遠攝長焦鏡頭丨 Hornor Magic 5 Pro
【Galaxy A54評測】Sasumg A系列最新成員 丨親民價錢性能兩兼顧 丨Samsung Galaxy A54
【紅米Note 12 Pro 5G評測】中階機性價比之王 相機性能屏幕堪比旗鑑級手機 丨Note 12 Pro 5G
【S23 VS S22 大比拼】兩億像素鏡頭究竟提升幾多? S23 Ultra影相功能真係有咁勁? 丨Samsung S23 Ultra VS S22 Ultra 影相評測
【Nokia T21開箱評測】性能與價格完美的結合 高性價比入門級平學生抵玩Ta板電腦 丨 Nokia T21
【內地漫遊推薦】CSL 1010 86易 每月29蚊即有內地電話號碼 仲有5G上網?
