播出日期:20/7/2023
又黎到Z世代達人嘅時間啦，Honor今日就發佈咗Honor 90呢部主打高CP值嘅中階電話，而且仲宣稱，Honor 90會係Honor年度最高攝影像素嘅電話，今日就同大家一齊睇睇啦~
首先睇睇個外形，Honor 90採用咗窄邊框曲面螢幕，成部電話嘅機身都好輕簿，拎上手嘅手感都好好，重量亦都好輕。
官方宣稱Honor 90 機背嘅相機鏡頭採用咗名為 「月影」嘅設計，兩粒圓形嘅相機鏡頭，再配搭埋Honor 90超薄機身，比人有一種優雅、高貴嘅感覺
睇睇屏幕方面，Honor 90採用咗6.7吋 FHD+ AMOLED 屏幕，支援120Hz嘅屏幕刷新率。而今次Honor 90屏幕亦都配備咗3840Hz PW調光技術
令到Honro 90嘅屏幕閃爍頻率大大降低，喺黑暗環境當中用手機，都可以好好咁保護眼睛， 而且仲通過咗德國萊茵TUV無屏閃認證。
好啦，到咗Honro 90主打嘅影相方面，今次Honor 90設有一組兩億像素主鏡頭，配備特大傳感器，傳感器尺寸較上一代增加25%，感光能力同時都增強11%。
同時會有一組1200萬像素嘅超廣角鏡頭以及200萬像素嘅景深鏡頭，最後就會有一組5000萬像素嘅前置鏡頭。
現在就即刻為大家試試，Honor 90影相表現又係點先~
首先喺主鏡頭方面，有兩億像素主鏡頭加持下，Honor 90影出黎嘅相已經同現今主流嘅旗鑑機相差無幾
相片入邊嘅細節保留度可以話相當高，顏色處理亦都相當自然，味精味唔會太重，同時相片層次感都好分明。以Honor 90嘅價位，都影到咁高效果嘅相片，真係比到驚喜我啊~
放大張相黎睇之後，亦都唔差，物件嘅邊緣虛化處理以及雜訊處理都有唔錯嘅表現，同時都唔會有油畫化嘅情況出現。
等我又試埋超廣角鏡頭以及微距鏡頭比大家睇睇啦~
到咗夜拍方面，Honor 90有特大傳感器嘅加持下，影出黎嘅相片，光度都好足夠，相片暗位嘅細節呈現亦都好多，而且成張相唔會話光到好誇張，整體感覺好自然
同時雜訊處理都做得好好，成張相比人感覺好乾淨，好柔和，等我又試多幾張比大家睇睇~
Honor 90今次會設有5000mAH嘅大電池，支援66W嘅快速充電。
而Honor 90嘅處理核心就採用咗Snapdragon 7 Gen1 處理器，咁究竟Honor 90性能表現又會係點呢? 現在即刻試比大家睇睇~
睇片方面，睇帶有走馬燈嘅新聞片當然無問題啦~ 影片下方嘅走馬燈亦都好順暢，唔會有Lag機嘅情況出現
而到咗打機方面，我試咗畫面運算比較複雜嘅賽車遊戲，整體感覺都好順暢，FPS亦都好穩定~ 過關啦
Honor 90會提供墨玉青、星鑽銀而及冰羽藍三種顏色。會提供12GB RAM + 256GB ROM 、16GB RAM + 256GB ROM及16GB RAM + 512GB ROM呢幾個版本，售價為2,499, 2,799及2999人民幣。
有關香港區嘅售價大家記得留意Honor官網發佈資訊
有興趣朋友亦可以到Honor官方網站了解詳情
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【Reno10 Pro+評測】令人嘆為觀止的遠攝鏡頭 丨媲美旗鑑機的攝影能力 丨高CP值中階電話 丨Reno 10 系列 丨OPPO Reno 10 Pro+ 5G
【Samsung發佈會懶人包】三分鍾極速懶人包 丨三大搶眼升級 丨最新水滴型鉸鏈技術 丨Samung Galaxy Z Flip 5 Galaxy Z Fold 5
【Nothing Phone 2 評測】科技感爆棚 丨外觀性能兩兼顧 丨Glyph LED 燈 丨Nothing Phone系列 丨Nothing Phone 2
【Honor 90評測】最強影相中階機 丨兩億像素主鏡頭 丨超高CP值電話丨德國萊茵TUV無屏閃認證 丨Honor 90
【VIVO Y78評測】高CP值中階手機 丨學生手機首選 丨6400萬像素相機鏡頭 丨OIS光學防手震功能 丨 VIVO Y78 5G
【VIVO Y36評測】高CP值中階手機丨性能價錢兩兼顧丨5000萬像素鏡頭 丨VIVO Y系列 丨 VIVO Y36 5G
【小米Pad6評測】高性價比平板電腦 丨學生平板電腦首選 丨小米平板系列丨 小米Pad6 Xiaomi pad 6
【VIVO V27評測】中階抵玩手機 丨高攝影能力中階手機 丨 夜拍能力極佳 丨柔光環攝影 VIVO V27
