播出日期:12/7/2023
又黎到Z世代達人嘅時間啦~ 主打年輕人市場嘅 VIVO Y系列，近日就推出咗中階入門手機Y36，今日就同大家睇睇，呢部手機帶咗啲咩野驚喜比我地啦~
首先睇睇Y36外形， Y36嘅外形一啲都唔似中階入門機，因為Y36採用咗開孔前置鏡頭設計，再配合埋機身四周嘅圓角屏幕，比人有一種簡潔，而又不失高貴嘅感覺。
今次喺我手上就係Y36嘅神秘黑版本，機身嘅背後就採用咗磨砂材質，令到成部機身都好好揸，唔會有冼手情況出現
而到屏幕方面，今次Y36就會有6.64吋 FHD+ LCD屏幕，全機身亦都有IP54嘅防塵防水級別
到咗電池方面，Y36今次會有5000mAH嘅大電池，設有最高44W嘅快速充電，足夠應付日常使用有餘啦
到咗性能方面，今次Y36嘅處理核心採用咗天璣6020，等我又用跑分軟件睇下Y36又有幾多分先。
跑出黎嘅分數中規中距啦，屬於中階級別嘅分數
跑出黎既分數都比較抽像，等我又用Y36試下打機同埋睇片嘅表現又係點先
喺打機方面，遊戲畫質設定為「中階」嘅情況下，Y36表現都相當唔錯，喺原野大地圖行走嘅時候，FPS都幾隱定，唔太會有疾機嘅情況出現。
而到咗畫面相對比較複雜嘅城鎮地圖，Y36 FPS就有明顯下降嘅情況，疾機嘅次數會多咗，而且FPS會比較波動，可能要稍為降低遊戲嘅配置先可以順暢咁運行啦。
而睇片方面，睇Youtube片整體感覺都好流暢，就算將條片跳到去某個時間點，Y36一樣好快就可以反應到
當睇帶有走馬燈嘅新聞片，影片下邊行走馬燈都算順暢，過關啦~
最後到咗相機方面，Y36設有一組5000萬像素嘅主鏡頭，同時亦都會有200萬像素嘅背景虛化鏡頭，以及1600萬像素嘅前置鏡頭，現在就即刻試影相效果比大家睇睇~
Y36影出黎嘅相，喺5000萬像素嘅加持下，我覺得表現相當唔錯，無論係物件嘅細節保留度，相片嘅顏色處理以及物件邊緣虛化，都有唔錯嘅表現，而且根據Y36價位黎睇，我覺得Y36相機鏡頭有咁嘅表現，真係完全過到關啊~
現在又試多幾張比大家睇睇~
Y36有兩隻顏色比大家選擇，分別係神秘黑及以及水晶綠，會提供8GB RAM+256GB ROM版本，價錢會係HKD,$2198蚊
有興趣嘅朋友，可以到VIVO官方網站了解詳情
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【Nothing Phone 2 評測】科技感爆棚 丨外觀性能兩兼顧 丨Glyph LED 燈 丨Nothing Phone系列 丨Nothing Phone 2
【Honor 90評測】最強影相中階機 丨兩億像素主鏡頭 丨超高CP值電話丨德國萊茵TUV無屏閃認證 丨Honor 90
【VIVO Y78評測】高CP值中階手機 丨學生手機首選 丨6400萬像素相機鏡頭 丨OIS光學防手震功能 丨 VIVO Y78 5G
【VIVO Y36評測】高CP值中階手機丨性能價錢兩兼顧丨5000萬像素鏡頭 丨VIVO Y系列 丨 VIVO Y36 5G
【小米Pad6評測】高性價比平板電腦 丨學生平板電腦首選 丨小米平板系列丨 小米Pad6 Xiaomi pad 6
【VIVO V27評測】中階抵玩手機 丨高攝影能力中階手機 丨 夜拍能力極佳 丨柔光環攝影 VIVO V27
【Evolve2 65 flex Speak 2 75評測】專為開會而設計的產品 丨疑真的聽覺體驗 丨輕巧降噪耳機 丨Jabra Evolve2 65 flex Speak 2 75
【Honor Magic VS評測】開創摺疊式手機新時代 丨超強性能 續航力 丨魯班零齒輪鉸鏈技術丨萊茵摺疊測試 丨Honor Magic VS
