播出日期:26/7/2024
聽到「菠蘿生炒骨」呢個餸名，不期然都會食指大動。近年多咗人食齋或者食素，今日介紹嘅呢款「菠蘿素生炒骨」又或者可以叫做「菠蘿素咕嚕肉」，就啱晒唔食肉嘅朋友喇！
素排骨可於以下地點購買：
東源號 https://tungyuenho.com/
素食睇落去同煮一般嘅餸菜冇乜大分別，不過其實點樣揀替代品，有時都幾考功夫。今日我就揀咗呢款、喺連續10年榮獲香港著名品牌嘅東源號買到嘅素排骨。打開嚟睇吓，外型就100分喇，中間仲見到舊骨添喎，仿肉類係用豆類製成嘅，而骨頭其實就一條大嘅本菇。
除咗呢包素排骨之外，我哋睇吓其他材料：
青、紅西椒 各一個
洋蔥一個
罐頭菠蘿 一小罐
材料其實非常簡單，做方面，首先將兩個西椒切成小片，中間嘅核就唔要喇，洋蔥方面就去皮，之後亦都係切為小塊。到菠蘿嘅部份，開罐之後，唔要入面嘅糖水，將菠蘿切為四份，待用。
跟住就先處理啲素排骨，正常嘅生炒骨通常都要用滾油炸，不過由於我哋用嘅係素排骨，只要燒紅隻鑊，噴返少少油上面，之後落埋素排骨喺鑊面煎幾分鐘，轉為金黃色之後就可以先上碟待用。
跟住落嚟就要準備呢個餸嘅靈魂 - 芡汁。菠蘿生炒骨嘅芡汁，當然就唔少得茄汁，今次呢個份量，我落咗大約兩湯匙嘅茄汁，跟住加入半茶匙嘅砂糖、¼茶匙嘅鹽同埋大半茶匙嘅生粉，之後大約加入一湯匙嘅水，攪勻就可以代用喇。如果買到而家見到呢款浸起菠蘿水入邊嘅罐頭菠蘿，你可以再落少啲糖，用返罐頭入面嘅菠蘿水份一樣可以㗎！
跟住我哋可以噴少少油落鑊面，燒紅隻鑊，就可以分別將洋蔥、紅綠青椒、同埋菠蘿放落鑊炒到肉眼見到有少少燶邊同埋轉金黃色，跟住我會落埋之前嘅素排骨，炒多兩炒之後就快手埋芡汁，跟住不斷兜勻， 10 0秒就基本上可以上碟㗎喇！ 色香味俱全，見到都流晒口水！
其他集數
人人可以做大廚！教你15分鐘整好冬瓜盎及海參扣鮑魚！
中秋月餅2024 | 月餅五花八門點揀好？ 客製自製話咁易！ 東源號幫到你！
素食食譜2024 - 菠蘿素咕嚕肉 超正食材 生活部落格 素生炒骨 菠蘿咕嚕肉 簡易素食食譜
【端午節粽】端午節優質靚粽 款式多、打卡靚丨端午節粽 粽 素食產品 點心食品 火鍋配料 烘焙產品 急凍肉類樣樣齊 優質點心及食品食才專門店 東源號 香港著名品牌
【中秋節月餅】買又得DIY又得 選購月餅材料好去處 丨頂級流心奶黃月餅 丨新奇好味荔枝酥月餅 丨清新美味金沙蛋黃陳皮豆沙月餅 丨東源號
星級攝影師寧炫聲《煙花之地》作品展覽
【優質生活百質】每件商品都是店主親身體驗過 丨 一點絕螞蟻絕 丨 無患子植物香體磨砂霜 丨卓效生活百貨Excellent Mall HK
【水晶專賣店】水晶新手必看 引領潮流尖端的水晶專賣店 丨 尚羽軒WIZ Crystal 香港著名品牌
