播出日期:4/5/2018
最新嘅科技資料、潮流玩意，都有《Z世代達人》麥卓華到處搜羅送到你面前！
之前我都同大家講過，我出trip通常都鍾意用自己既wifi 蛋，因為貪佢唔駛次次買，又可以share俾自己其他既Gadgets用。不過，有D朋友仔始終唔鐘意多舊野在身，又要充電又要拎，所以情願用當地既儲值SIM卡。今日，我就同大家介紹一下，泰國儲值卡既選擇。
泰國當地主要有3間流動電訊公司、分別係 DTac、AIS同TrueMove-H。呢3間公司都同時有出類似既遊客儲值卡，大家亦唔難在深水埗或者旺角既街檔買到。3個台既8日卡，都係大約賣40-50元港幣左右，比在卡面上面299泰幣既標價仲要更平。唔怪得咁多香港人會買定先。
不如睇下呢幾張卡既表現呀！3張卡都係一插入手機就可以即刻用到，唔駛做任何設定。我地同時測試左3個台連接當地伺服器既情況，見到都有大約十幾到廿幾MB既速度，效果相當唔錯。另外，連接香港伺服器既速度測試都差唔多。另外，我地都睇過，3個台都可以使用電話入面既 Wifi 熱點分享功能，都算方便。
計劃入面就包括左3GB既數據同埋100 泰幣作打電話用。打當地同埋用指定既長途電話字頭打番香港，每分鐘都係講緊一、兩蚊泰幣， 所以應該都夠遊客用。但係提提大家喇，泰國政府其實係要求每張儲值卡都要實名登記，我地都試過手上既張卡原來係用左其他人既身份去登記，如果大家有擔心，其實都可以在當地既機場或者門市用你自己既護照去買卡，咁就會放心D啦！
有關泰國遊客SIM的網頁資料
《Z世代達人》
主持：麥卓華
