播出日期:5/9/2018
近來好多朋友問我，買咗新電腦，想裝套最新嘅Microsoft Office應用程式自用，要點買點揀先係最抵呢？
隨着雲端科技嘅普及，Microsoft推出嘅Office系列，已經發展到最新嘅Office 365服務。咁Office 365 同一般Office應用程式又有啲乜嘢唔同呢？以前我哋買一套Office軟件，家用版本起碼都要過千，而且過咗幾年就會有新版本推出，每套軟件亦只可以安裝在一部電腦上面。
Office365 服務就以每年或者每月收費，以個人版為例，每年嘅收費$540港幣，除翻開12個月即係每個月$40左右，已經包括左全套Office最新嘅應用程式，而且除咗可以安裝係一部電腦上面之外，仲可以起一部平板電腦同埋一部手機上邊開啟Office軟件嘅編輯功能。
由於Office 365係用月費形式，所以安裝係你電腦上邊嘅Office軟件亦都可以透過網絡更新，即係以後只要一個月費，就唔使再追軟件版本喇。除左咁之外，呢個費用仲包括左 1TB嘅Microsoft OneDrive 雲端空間，同埋有60分鐘Skype嘅全球通話時間，如果你宜家已經俾開錢用雲端空間同埋打長途電話，呢個Office365組合，隨時等於唔使錢送套Office俾你用！
好多朋友都唔知，原來除咗以上功能之外，只要你有用緊Office365，原來你去到任何電腦，都可以配合OneDrive同Office Online，在唔安裝Office嘅情況之下，都可以用到Word 同 Excel之類嘅軟件架！就好似我咁，只要去Browser打 office.com，之後按登入，輸入完登入資料後，就會見到呢個畫面，你除咗可以打開OneDrive入面嘅文件之外，仲可以開新檣案！非常方便同好用！
如果你屋企人都想一齊用Office365就更加抵喇！因為Office 365嘅家用組合可以同時授權五個用戶，年費都係$780 ，除翻開即係每個月$65 ，每人每月其實都係$13嘅收費，以後就唔使再問人借Office用啦！
《Z世代達人》
麥卓華
