播出日期:23/8/2019
Payme可以話係香港近年流行嘅電子錢包、除咗因為介面易用之外，作為第一批本地嘅電子錢包，喺「早着先機」嘅情況之下，亦都加大咗 Payme 嘅市場佔有率。
2018 年當轉數快推出嘅時候，Payme 系統未有即時加入轉數快嘅功能，相信一眾用家都非常失望。不過呢個功能最近就隨住新版 Payme 而一齊推出，同大家一齊睇下！
新一代嘅 Payme 支援由更多銀行增值電子錢包，同埋發錢去其他嘅電子錢包陣營，不過如果你好似我咁，之前已經加咗滙豐銀行嘅戶口同埋信用卡，以前已經設定咗滙豐嘅收款戶口、呢個新功能就幫助唔大。
不過我就建議你 Update 咗 Payme app 之後第一時間去設定「轉數快」喇。好似我咁，只要確認番你嘅手機號碼同埋電郵地址，轉數快就好快設定好。好處就係當你要喺 Payme 收錢嘅時候，有人無 Payme，你一樣可以用其他嘅網上銀行或者電子錢包增值，方便好多架！
我就試一次由 Tap and Go 嘅 App 過錢去 Payme 先。首先打開我嘅 Tap and Go App，之後揀 Pay Buddy，再輸入銀碼，好等我試吓轉15蚊先， 跟住輸入番收款人、即係我嘅電話，再揀埋 Send 去我嘅 Payme 戶口。睇番 Payme App，15蚊已經即時到帳啦。
另外、如果你預設嘅收款銀行唔係滙豐，以前你可能要等多一個工作天先至可以拎到錢。但係隨著 Payme 加入轉數快服務，而家只要設定好 FPS 轉數快嘅設定，喺錢包過錢落自己銀行嘅戶口，都可以做到即時收款啦！
提提大家啦，因為增值方便咗，所以官方透露可能減低每個月由信用卡增值電子錢包嘅上限，由原先港幣$5000一個月大幅減到兩千蚊一個月，鍾意用呢個方法儲分嘅朋友就要額外留意！
《Z世代達人》
麥卓華
其他集數
數據漫遊日費包埋講電話？csl / 1010 新一代漫遊通行證最啱用
保證優先買 iPhone 11 ! 3HK 優先寶幫到你！
GlocalMe G4 Pocket Wifi 全球通用！一機包埋地圖+翻譯 ！
Payme 2.0 乜銀行都玩得！
小米Airdots 基本版 港幣$150來襲！ 詳細開箱測試 附小米Airdots青春版比較
Samsung Note 10 + 開箱初體驗！S-Pen可以咁樣玩？
Samsung Galaxy Note10 Note10+ 3分鐘睇晒 S-Pen 再次進化
買咗自動扣錢 App？一分鐘教你取消+檢查 Cancel App Store/Google Play Subscription
