播出日期:26/8/2019
有留意開我哋節目嘅，都知道我哋有介紹過 GlocalMe 嘅 Pocket Wifi 同埋佢哋嘅 Global Phone 全球電話。今年佢哋就推出咗新一代嘅 Pocket Wifi Glocalme G4，我哋第一時間同大家睇下！
呢部 G4 Pocket Wifi 外表明顯比上兩代靚好多，機身大細同埋厚度同一部手機差唔多，方便大家可以放喺背囊或者手袋，雖然部機細咗，
但係都配置咗 3900maH 電力，一般使用都夠一日！
同上幾代一樣，開機之後大約等一至2分鐘就可以拎到網絡，雖然比手機慢少少，但係作為一部通行世界嘅 Pocket Wi-Fi，我又覺得問題不大。由於部機本身係用 Android 系統，版面顯示相當清晰，連 Wi-Fi 嘅 SSID 同埋密碼都可以喺度睇到，真係好方便㗎 ！
G4 仲有個特點，就係部機入邊已經裝埋翻譯同埋地圖嘅應用程式，咁就唔使左一部右一部咁麻煩，Google Map 就係大家常見嘅 Android App 版面，等我試下個翻譯機，搞掂哂！咁以後就唔駛自己拎翻譯機啦！
同普通 Pocket Wi-Fi 唔同 GlocalMe 喺產品入面加入咗「慳流量」嘅功能，而且係預設打開，呢個功能唔會影響一般嘅即時通訊、網頁瀏覽、或者社交媒體程式，不過就會阻擋咗大流量嘅項目，好似手機更新等等，好多時呢類更新都係自動嘅，一次過用你一百幾十MB話都冇咁易啊，所以呢個功能就好重要喇！你亦都可以選擇熄咗呢個功能，正常咁用到大流量嘅操作軟件。另外，因為 GlocalMe G4 用咗 Cloud SIM 嘅設計，當一個台收得唔好嘅時候，你就可以用佢內置嘅優化網絡功能搵過另外一個電訊商，盡量將收得唔好嘅機會減到最低！
用 GlocalMe 嘅好處就係用幾多買幾多數據，唔好以為佢哋嘅數據好貴喎，用日本為例，如果買日費都係個半美金一日，即係大約 $12 港紙，而好似我而家喺馬西亞咁呀，都係兩個半美金、大約 20 蚊港幣左右，已經有每日頭 500 MB 嘅高速數據，計返比網絡商嘅日費計劃仲平！如果容量比較大，亦都可以選擇以數據量計算嘅多日服務計劃，仲可以最多同五部裝置分享數據，點計都唔貴呀！
《Z世代達人》
麥卓華
鳴謝：uCloudLink Co. Ltd
![Apple iPhone 11 / iPhone 11 Pro / iPhone 11 Pro Max [2019] 即時睇！點都有個換走 iPhone Xs 的理由…](https://i1.ytimg.com/vi/MvjjF3ZLrnY/mqdefault.jpg)
